Jeff Bezos ari kubana mu bukode na Lauren Sanchez bari mu rukundo-AMAFOTO

Inyubako aba bombi bagiye guturamo iherereye kure cyane y'aho bari batuye, ikaba ari iy’umuhanga mu muziki Kenny G.

Nubwo bitari byarigeze bitangazwa, aba bombi bagiye kumara amezi atari macye mu bukode dore ko batangiye ngo kububamo muri Werurwe 2023. Aho bari kuba naho ni ahantu h'agatangaza hisanzuye.

Ni inyubako yubatswe mu mwaka wa 1998 ariko igenda ivugururwa mu bihe bitandukanye hongerwamo ibice birimo ahantu heza ku mucanga ho kuganirira, birumvika n’ibyumba by’umuziki.

Mu minsi ishize ni bwo Jeff Bezos aheruka kwambika impeta Lauren Sanchez mu birori byabereye mu bwato bw’inyirukatsi buhagaze miliyari zirenga 500Frw.

Jeff Bezos ni umwe mu baherwe bakomeye isi ifite aho ku myaka 59 atunze za miliyari z'amadorali zirenga 142, bikaba bimushyira ku mwanya wa gatatu mu batunze agatubutse ku Isi.

Ibi byose abikesha ubushabitsi bushingiye ku ikoranabuhanga bunyuze mu ikompanyi yashinze yabaye ikimenyabose ya Amazon, ikorerwaho ubucuruzi bwifashisha mu murandasi, imwe mu zabaye igisubizo kuri benshi mu bihe bya COVID19.Inyubako Jeff Bezos ari kubanamo n'umukunzi weInyubako Jeff Bezos yahisemo kujya gukodesha ni iya Kenny G umuhanga mu gucuranga SaxaphoneIbikorwa byo kuvugurura inyubako Bezos yabanagamo na Lauren bigeze kureMu minsi micye ishize ni bwo Jeff Bezos hamenyekanye ko yambitse impeta LaurenUrukundo rukomeje kubabana ubuki