Kigali

NBA: LeBron James arananiwe! LA Lakers ifite igikombe giheruka yatsinzwe umukino wa kane wikurikiranya

Yanditswe na: SAFARI Garcon
Taliki:25/02/2021 16:02
0

Ntabwo ikipe ya Los Angeles Lakers yorohewe muri shampiyona ya Basketball ikunzwe kurusha izindi ku Isi, ya NBA, nyuma yo gutsindwa umukino wa kane wikurikiranya na Utah Jazz amanota 114-89, kizigenza LeBron James ashinjwa umunaniro nyuma yo kunanirwa gufasha ikipe ye aho rukomeye.



Mu rukerera rwo kuri uyu wa Kane tariki ya 25 Gashyantare 2021, Lakers ifite igikombe cy'umwaka ushize yatsinzwe na Uttah Jaz yuzuza imikino ine yikurikiranya nta ntsinzi, uba umukino wa gatanu batsinzwe mu mikino itandatu.

Mu mikino ine yikurikiranya Lakers yatsinzwe, harimo uwa Uttah Jazz wabaye mu rukerera, uwa Wizzards, uwa Miami Heat ndetse n'uwa Blooklyn Nets wabaye tariki ya 19 Gashyantare 2021.

Nubwo Lakers yagize intangiriro mbi z'uyu mwaka w'imikino, abafana n'abakunzi ba Lakers bakomeje gutunga agatoki inkingi ya mwamba y'iyi kipe, LeBron James, aho bamushinja umunaniro utuma adafasha ikipe yabo ikomeje gusuzugurika umunsi ku munsi.

Muri uyu mukino LeBron yatsinze amanota 19, gusa uruhare rwe mu kibuga mu gukotanira intsinzi rwasubiye hasi cyane, ari nabyo biri kugira ingaruka zikomeye ku ikipe yose.

Mu gice cy'uburengerazuba ikipe ya LA Lakers iherereyemo, iri ku mwanya wa gatatu inyuma ya Uttah Jazz yatangiye neza na Los Angeles Clippers ziyiri imbere.

UKO IMIKINO YAGENZE MURI NBA:

Golden State Warriors 111-107 Indiana Pacers

Boston Celtics 112-127 Atlanta Hawks

Houston Rockets 96-112 Cleveland Cavaliers

Minnesota Timberwolves 126-133 Chicago Bulls

Detroit Pistons 118-128 New Orleans Pelicans

San Antonio Spurs 99-102 Oklahoma City Thunder

Toronto Raptors 108-116 Miami Heat

Charlotte Hornets 124-121 Phoenix Suns

LA Lakers 89-114 Utah Jazz

Utah Jazz yatsinze LA Lakers iguma ku mwanya wa mbere mu gace k'Uburengerazuba

LeBron James arashinjwa kudafasha ikipe ye aho rukomeye





TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND