Ubwo Joe Biden uheruka gutorerwa kuyobora Leta zunze ubumwe za Amerika azaba atangiye imirimo, ikipe ya Los Angeles Lakers yizeye kuba ikipe ya mbere yatwaye igikombe cya NBA izajya gusura perezida muri White House kuva mu 2016.
Nta kipe yasuye White House ku gihe cy'ubutegetsi bwa Donald Trump, ibintu ubusanzwe byari umuco.
Perezida Trump yahagaritse gutumira ikipe zatwaye igikombe cya NBA mu myaka ya vuba nyuma y'uko abakinnyi benshi bavuze ko nta wifuza kujyayo kubonana nawe.
Ibinyamakuru muri Ameirka ariko ubu biravuga ko Lakers yaba yifuza gusura Biden nyuma y'igihe azaba yahawe ubutegetsi tariki 20 z'uku kwezi.
Cleveland Cavaliers niyo kipe ya nyuma iheruka gusura Perezida uri mu mirimo, Barack Obama, nyuma y'uko bari begukanye igikombe cya 2016.
Golden State Warriors (2017 na 2018) hamwe na Toronto Raptors (2019) ntabwo zagiye gusura Trump.
Birashoboka ko Lakers yazasura White House ubwo bazakina na Washington Wizards iri iwayo, mu gihe amabwiriza yo kwirinda Covid-19 cyangwa Biden ubwe bitababuza.
Ntabwo LA Lakers yorohewe n'intangiriro za shampiyona, kuko mu ijoro ryo kuri uyu wa kane iwayo kuri Staples Center yahatsindiwe na San Antonio Spurs amanota 118 ku 109, bituma itakaza umukino wa gatatu mu mikino icyenda imaze gukina muri uyu mwaka w'imikino.
.JPG)
LA Lakers niyo yatwaye igikombe cya NBA mu mwaka w'imikino ushize
Eng
RSS 
TANGA IGITECYEREZO