Umukinnyi Adama Traore ukina asatira izamu mu ikipe ya Wolves yitabiriye ubutumire bw'ikipe y'igihugu y'Espagne, atera umugongo ikipe y'igihugu ya Mali ari nayo yari yamuhamagaye mbere.
Adama
Traore usanzwe uzwiho ibigango, kuri uyu wa 5 tariki 2 Ukwakira 2020 ni bwo
yahamagawe n'umutoza w'ikipe y'igihugu y'Espagne Luis Enrigue, gusa mbere yaho
iminsi itatu yari yahamagawe mu ikipe y'igihugu ya Mali.
Hashize
igihe kigera ku myaka ibiri ibi bihugu byombi birwanira Adama Traore. Uyu
musore w'imyaka 24, yavukiye muri Espagne mu mujyi wa Barcelona ariko abyarwa
n'ababyeyi bakomoka muri Mali.
Adama n'ubwo agaragara nk'ubyibushye cyane ariko azwiho umuvuduko mwinshi
Si
ubwa mbere Adama Traore yari ahamagawe n'ikipe y'igihugu ya Espagne kuko umwaka
ushize yigeze guhamagarwa ariko akaza kuva mu ikipe kubera ikibazo cy'imvune, bitarangiriye
aho gusa kuko muri Nzeri Adama yaje kongera guhamagarwa ariko avanwa mu ikipe
kubera uburwayi bwa Coronavirus.
Adama
Traore naramuka akiniye Espagne mu mukino bazahuramo na Switzerland cyangwa umukino
bazakina na Ukraine, nta mahirwe azaba afite yo kongera guhamagarwa na Mali.
Eng
RSS 
TANGA IGITECYEREZO