Minisitiri Olivier Nduhungirehe yakeje intsinzi ya Mukura VS kuri APR FC

Kuri iki Cyumweru Saa Cyenda nibwo ikipe ya Mukura VS yari yakiriye APR FC mu mukino wo ku munsi wa 18 wa shampiyona y'icyiciro mu Rwanda.

Uyu mukino warangiye iyi kipe yo mu Karere ka Huye itsinze igitego 1-0 cyatsinzwe na Malanda Destin ahawe umupira na Jordan Dimbumba ku munota wa 18.

Nyuma y'uyu mukino,Minisitiri w’Ububanyi n’Amahanga w'u Rwanda , Olivier Nduhungirehe usanzwe ari umufana wa Mukura VS yayishimiye abinyujije ku rubuga rwe rwa X.

Yanditse ati " Nyuma yo gutsinda Rayon Sports mu kwezi gushize, ikipe yacu y'igitangaza yongeye kubikora itsinda APR FC. Mwakoze cyane Mukura VS."

Mukura VS yatsinze uyu mukino ikomeza kuba ku mwanya wa 6 n'amanota 27 naho APR FC nayo ikomeza kuba ku wa 2 aho irushwa amanota 4 na Rayon Sports ya mbere.

Iyi kipe yo mu karere ka Huye yatsinze Nyamukanagira nyuma y'uko ku munsi w'ejo ku wa Gatandatu nabwo Amagaju FC yari yanganyije na Rayon Sports kuri Stade mpuzamahanga ya Huye.

Minisitiri Olivier Nduhungirehe yashimiye Mukura VS yatsinze APR FC