Umuramyi akaba n’umushumba, Pastor Amani Stephane, yashyize hanze amashusho y’indirimbo ye nshya 'Yesu Ndaguhimbaza,' yakoranye na Alexis Nkomezi na korali Incense of Praise, imwe mu zikomeye zikorera umurimo w’Imana muri Leta Zunze Ubumwe za Amerika.
Iyi ndirimbo yanditswe mu mwaka wa 2002, ikaba yari imaze imyaka irenga 20 itegerejwe. Nubwo hashize igihe kinini yanditswe, ubutumwa bwayo buracyafite imbaraga zo guhumuriza no guhesha umugisha abayumva.
Pastor Amani Stephane
yahisemo gukorana n’itsinda Incense of
Praise, rigizwe n’abasore n’inkumi bafite umutima wo kuramya no guhimbaza
Imana, batozwa na Producer Yannick.
Kimwe mu bitangaje kuri iyi ndirimbo 'Yesu Ndaguhimbaza,' ni uko umucuranzi w’ingoma witwa Blessed ari umuhungu wa Pastor Amani Stephane, akaba yaravutse nyuma y’uko se yanditse iyi ndirimbo, kuko uyu munsi afite imyaka 22 y'amavuko.
Pastor Stephane
amaze gukora indirimbo nyinshi zakunzwe mu muziki wa Gospel, zirimo 'Vuga Rimwe' yakoranye na Adrien
Misigaro, 'Iyo niyo Mana,' 'Anawezi' n’izindi.
Amashusho y’iyi ndirimbo 'Yesu Ndaguhimbaza' agaragaramo ibihe
bikomeye byo gusenga no guhimbaza Imana, ari na yo mpamvu akomeje kwakirwa
neza n’abakunzi b’umuziki wo kuramya no guhimbaza Imana.
Pastor Amani Stephane yashyize hanze indirimbo amaze imyaka irenga 20 yanditse
Ni indirimbo yakoranye na Alexis Nkomezi avuga ko afata nk'umuramyi mwiza kandi w'umuhanga
Iyi ndirimbo kandi igaragaramo itsinda ry'abaramyi ryitwa Incense of Praise, abasore n'inkumi basizwe amavuta yo kuramya
Eng
RSS 
TANGA IGITECYEREZO