RURA
Kigali

Jose Mourinho arashinjwa kugirira nabi umutoza wa Galatasaray abigambiriye

Yanditswe na: ISHIMWE Walter
Taliki:3/04/2025 10:09
0


Umukino ukomeye wahuje Fenerbahce na Galatasaray muri Turkish Cup wasize inkuru ishyushye ivugisha benshi, nyuma y’aho umutoza wa Fenerbahce, Jose Mourinho, ashinjwe kugirira urugomo umutoza wa Galatasaray, Okan Buruk.



Uyu mukino wabereye kuri Sukru Saracoglu Stadium warangiye Galatasaray itsinze ibitego 2-1, byose byatsinzwe na Victor Osimhen. Nyuma y’umukino, ubwo abatoza bombi bari kuganira n’abasifuzi, Mourinho yagaragaye aza inyuma ya Buruk maze amufata ku mazuru, bituma agwa hasi afashe mu maso.

Visi Perezida wa Galatasaray, Metin Ozturk, yamaganye iki gikorwa, avuga ko Mourinho yabanje gutuka Buruk mbere yo kumukorera urugomo. Yagize ati: “Ese ahandi ku isi yabitinyuka? Atekereza iki kuri Turukiya? Ndizera ko ubuyobozi bwa Fenerbahce buzamufatira ibihano mbere y’uko ishyirahamwe ry’umupira w’amaguru ribikora.”

Ku rundi ruhande, Buruk we ntiyashatse kubyitaho cyane, nubwo yemeye ko byari igikorwa kitari cyiza. Yagize ati: "Yankuruye ku mazuru, hari aho yankomerekejeho gato. Ntabwo ari ikintu cyiza cyangwa cyubashwe. Dusabwa kugira imyitwarire myiza mu bihe nk’ibi.”

Uyu mukino kandi waranzwe n’imvururu hagati y’abakinnyi bari ku ntebe y’abasimbura, bituma Mert Yandas wa Fenerbahce na Kerem Demirbay na Baris Yilmaz ba Galatasaray bahabwa amakarita atukura.

Si ubwa mbere Mourinho agiranye ibibazo na Galatasaray. Muri Gashyantare, nyuma y’umukino warangiye amakipe yombi anganyije 0-0, Galatasaray yashinje Mourinho gukoresha amagambo y’ivangura, bituma ahanishwa guhagarikwa imikino ine (4) no gutanga amande ya £35,194. Mourinho nawe yaje kwihimura, arega Galatasaray avuga ko bamwangirije isura ye.

Nubwo ibi byose byabaye, Fenerbahce ntiyigeze igira icyo ivuga ku birego bishya byashyizwe kuri Mourinho. Abakunzi b’umupira w’amaguru bakomeje gutegereza ibizakurikiraho ku byaha Mourinho ashinjwa.

Nyuma y'umukino wa Turkish Cup Jose Mourinho yaturutse inyuma umutoza wa Garatasaray amufata amazuru maze bimuviramo kwikubita hasi

Jose Mourinho akomeje kugirana ibibazo na mukebe w'ikipe atoza 





TANGA IGITECYEREZO

Izina ryawe
Email yawe
Andika igitecyerezo


KOPA

Inyarwanda BACKGROUND