Ben Igiraneza wanyuze mu matsinda atandukanye yatangiye umuziki ku giti cye - VIDEO

Ubusanzwe, Ben Igiraneza ni umwana w’Imana wavutse ubwa kabiri, uteranira mu Itorero Angilikani ry'u Rwanda, Paruwasi ya Remera (EAR Remera), aho akomora umwete n’umurava mu murimo w’Imana.

Uyu muramyi watangiye kuririmba ku itariki ya 25 Kanama 2007, yabwiye InyaRwanda ko yahisemo gutangira kuririmba ku giti cye kugira ngo abashe gusohoza inshingano Umukiza yasigiye Itorero yo kubwiriza inkuru nziza amahanga yose. 

Ben Igiraneza agereranya gukomeza kuririmba mu matsinda gusa nko kudakoresha neza impano Imana yamuhaye, bityo akemeza ko gukora umuziki ku giti cye bizamufasha kwagura umurimo w’Imana no gukomeza kubifatanya n’amatsinda asanzwe aririmbamo.

Ati: “Natangiye kuririmba ku giti cyanje kuko nabonye gukomeza gukorera mu matsinda byonyine bimeze nko gutabika itaranto bya bindi by’abagaragu babi. Ndashaka no kuririmba njyenyine nkabifatanya no kuba mu yandi matsinda nsanzwemo mu rwego rwo kubyaza impano zose Imana yampaye indi minyago myinshi kurushaho mu bwami bwa Data.”

Mu butumwa yahawe n’Imana, Ben Igiraneza yibutsa abantu ko "Abamwizeye bose abaha ububasha, bakaba abana b'Imana", nk’uko byanditswe mu byanditswe byera. 

Indirimbo ye ya mbere yatangiriyeho urugendo rwo kuririmba ku giti cye yitwa 'Uburuhukiro,' aho ashimangira ko Kristo ari we Sabato y’Ukuri, uruhura imitima, akaba we nyine uhesha ubugingo buhoraho nta kiguzi.

Kugeza ubu, iyi ndirimbo yamaze kugera ku mbuga nkoranyambaga zitandukanye zirimo Spotify, Apple Music na YouTube, aho abantu bose bayisanga ndetse n’izindi ndirimbo azagenda ashyira hanze. 

Ben Igiraneza yinjiye mu muziki azajya akora ku giti cye

Ni umuramyi usanzwe akorera umurimo w'Imana mu matsinda atandukanye arimo na Shalom Worship Team

Ashyize imbere kwamamaza ubutumwa bwiza

">Kanda hano urebe indirimbo nshya ya Ben Igiraneza yise 'Uburuhukiro'

">