Ikipe ya Real Madrid ifite inkuru mbi mbere yo gucakirana n'ikipe ya Atletico Madrid aho rutahizamu wayo ukomoka mu Bufaransa, Kylian Mbappé ashobora kudakina kubera ikibazo cy'imvune.
Kuri uyu wa Gatatu ni bwo ikipe ya Atletico Madrid irakira Real Madrid kuri Civitas Metropolitano mu mukino wo kwishyura wa 1/8 cya UEFA Champions League.
Mbere y'uko uyu mukino ukinwa, ibinyamakuru birimo Marca byanditse ko Kylian Mbappé atatangiranye n'abandi bakinnyi imyitozo ku munsi w'ejo bitewe nuko yari afite ububabare mu mavi.
Biteganyijwe ko uyu mukinnyi ari bukorerwe ibizamini mu gitondo cyo kuri uyu wa Gatatu, gusa abaganga ba Real Madrid bafite icyizere ko araza kuba ahari ku mukino wa Atletico Madrid bitewe nuko babona nta kibazo gikomeye afite.
Kylian Mbappé aramutse abuze kuri uyu mukino yaba yiyongereye kuri Dani Ceballos, Dani Carvajar na Eder Militao basanzwe baravunitse.
Umukino ubanza wari warangiye Real Madrid itsinze Atletico Madrid ibitego 2 bya Rodrigo na Brahim Diaz kuri 1 cya Julian Alvarez.
Kylian Mbappé ashobora kudakina umukino bafitanye na Atletico Madrid
Eng
RSS 
TANGA IGITECYEREZO