Peace Cup: APR FC yihimuye kuri Gasogi iyisezerera mu gikombe cy’Amahoro -AMAFOTO

Kuri uyu wa Gatatu itariki 5 Werurwe 2025 ikipe ya APR FC yakiriye Gasogi United mu mukino wo wishyura muri ¼ mu gikombe cy’Amahoro. Umukino warangiye amakipe yombi anganyije ubusa ku busa maze APR FC ikomeza muri kimwe cya kabiri kubera ko umukino ubanza yari yatsinze Gasogi United igitego 1-0.

Gukomeza muri kimwe cya kabiri ku ikipe ya APR FC bisobanuye ko izacakirana na Police FC ifite iki gikombe giheruka yo ikaba yagezeyo nyuma yo gusezerera AS Kigali ku giteranyo cy'ibitego 4-3.

APR FC yasezereye Gasogi United mu gikombe cy'Amahoro

Umukino warangiye amakipe yombi anganya ubusa ku busa

UKO UMUKINO WAGENZE UMUNOTA KU MUNOTA

UMUKINO URARANGIYE

90+1' Ishimwe Pierre atabaye ikipe ya APR FC nyuma yo gufata umupira yari asigaranye na Ndikumana Danny'

89' APR FC ikoze impinduka maze Alioune Souane asimbura Denis Omedi'

88' Dauda Bareli atabaye ikipe ya Gasogi United nyuma yo gukuramo ishoti rikomeye rya Denis Omedi'

86' Nshimiyimana Yunusu atabaye ikipe ya APR FC nyuma yo kugarura ishoti rikomeye rya Ndikumana Danny'

83' Gasogi United ikoze impinduka maze kwizera Jean Luc asimbura Ngono Guy Herve'

83' Mugisha Joseph yari acomekeye umupira mwiza Ndikumana Danny ariko arararira'

81' Lamine Bah akimara kwinjira mu kibuga arase igitego gikomeye nyuma yo gutera umupira hanze gato y'izamu'

80' APR FC ikoze impinduka maze Nshimirimana Ismael Pichou na Cheik Djibril Ouattra baha umwanya Mahamadou lamine Bah na Mamadou SY'

78' Ikarita y'umuhondo ihawe Ruboneka nyuma yo gukinira nabi Mugisha joseph rama'

76' Kufura abakinnyi ba APR FC barayihererekanyije ariko Gasogi United baratabara'

75' Kufura ya APR FC nyuma y'ikosa rikorewe Ruboneka Bosco'

73' Ishimwe Pierre wenyine asigaranye na Alioune Mbaye wa Gasogi United amukuyeho umupira ariko umusifuzi anavuga ko Mbaye yari yaraririye'

71' Umuzamu Ibrahima dauda Bareli atabaye ikipe ya Gasogi United nyuma yo gufata umupira wari urekuwe na Ruboneka Jean Bosco'

67' Gasogi United ikoze impinduka maze Iradukunda Axel asimburwa na Ngarambe Sadjadi'

66' Nshimirimana Ismael Pichou ateye ishoti rikomeye mu izamu rya Gasogi United ariko umupira ujya hejuru'

60' Nyuma y'uko abakinnyi ba APR FC barimo Mugisha Gilbert na Djibril Ouattra bari bakinanye neza bari bari gusaba penaliti batekereza ko Nduwayo Alex yakoze umupira n'akaboko ariko umusifuzi arabyanga'

59' Gasogi United ikoze impinduka maze Hakim Hamis asimburwa na Ndikumana Danny'

57' Hakim Hamis yari azamuye koruneli nziza mu izamu rya APR FC ariko Adolphe Hakizimana ateye umutwe umuzamu wa APR FC Ishimwe Pierre umupira arawufata

55' Denis Omedi yari yakiriye umupira mwiza uturutse kwa Niyomugabo Claude ariko awutera haze y'izamu'

51' Kokotete Udo nanone yari yakiriye umupira mwiza uturutse kwa Mugisha Joseph ariko bamusifura kurarira'

48' Kokoete Udo Ibiok bamuteretse hasi mu rubuga rw'amahina ariko umusifuzi avuga ko yari yaraririye'

45' Ikipe ya APR FC ikoze impinduka maze Niyibizi Ramadhan na Hakim Kiwanuka baha umwanya Mugisha Gilbert na Seidou Dauda Youssif'

IGICE CYA KABIRI KIRATANGIYE

Amakipe yombi yahatanye ashakisha igitego ariko biranga

Igice cya mbere cyarangiye ari ubusa ku busa hagati ya Gasogi United na APR FC muri kimwe cya kane mu gikombe cy'Amahoro mu mukino wo kwishyura.

IGICE CYA MBERE KIRARANGIYE

45+2' Kufura itewe na Udahemuka Jean de Dieu ariko abakinnyi ba APR FC bakiza izamu'

45+1' Kufura ya Gasogi United nyuma y'ikosa rikorewe Kokoete Udo Ibiok'

45' Kokotete Udo Ibiok yari acomekeye umupira mwiza Alioune Mbaye ariko akora amakosa Gasogi Iba irahombye'

42' Kokoete Udo Ibiok yari akiniye neza Ngono Guy Herve ariko agiye gushota mu izamu agwa hasi'

40' Adolphe Hakizimana yari yitsinze igitego nyuma y'umupira mwiza wari ukaswe na kiwanuka ku kazi gakomeye ka Rukoneka Bosco'

38' Hakim Hamis yari azamukanye umupira mwiza mu izamu rya APR FC ariko Yunusu aratabara'

33' Kufura itewe neza na Udahemuka Jean De Dieu ariko umupira Clement awushyiramuri Koruneli itagize icyo imarira Gasogi'

32' Kufura ya Gasogi nyuma y'ikosa Yunusu akoreye Muderi Akbar'

32' Clement agarutse mu kibuga akomeza gukina'

31' Niyigena Clement aryamye hasi ariko abaganga bagiye kumuvurira hanze y'ikibuga'

30' Niyibizi Ramadhan yari azamukanye neza umupira ariko ateye ishoti ujya ku ruhande'

29' Ishimwe Pierre aryamye hasi nyuma yo gutabara APR FC abaganga bari kumwitaho ariko ahise ahaguruka'

28' Umuzamu Ishimwe Pierre yongeye gutabara ikipe ya APR FC nyuma yo gukura umupira ku mutwe wa Kokoete Udo Ibiok'

24' Ruboneka Jean Bosco yari akiniye neza Denis Omedi ariko ateye ishoti umuzamu wa Gasogi United umupira arawufata'

21' Rukoneka Bosco wari wakiriye umupira mwiza uturutse kwa Kiwanuka ariko awutera hanze y'izamu'

20' Nduwayo Alex yari acomekeye umupira muremure Kokoete Udo Ibiok ariko awutera hanze y'izamu'

18' Mugisha Josepf Rama aryamye hasi nyuma yo gukinirwa nabi ba Denis Omedi ariko abaganga bamukozeho riraka umukino urakomeza'

15' Nduwayo Alex yari ashatse gutungura umuzamu wa APR FC ariko ateye ishoti umupira ujya ku ruhande'

12' Hamis Hakim nanone yari ateye ishoti rikomeye mu izamu rya APR FC ariko umuzamu Ishimwe Pierre arongera arokora ikipe ya APR FC'

11' Hamis Hakim yari acometse um upira mwiza ashakisha Alioune Mbaye ariko Ishimwe Pierre aratabara'

9' Hamis Hakim yari azamukanye umupira mwiza imbere y'izamu rya APR FC ariko Nshimiyiman Yunusu arawumurengersha'

7' Kufura ya Gasogi United itewe na Hamis Hakim ariko Niyigena Clement umupira awushyira muri Koruneli itagize icyo imarira abakinnyi ba Gasogi United'

4' Kokoete Udo Ibiok yari afungiye amazamu ku ruhande rwa Gasogi United nyuma y'akazi gakomeye ka Mugisha Jioseph Rama ariko abasifuzi bavuga ko habayeho kurarira'

2' Amakipe yombi atangiranye imbaraga zidasanzwe nyuma y'uko n'umuzamu wa APR FC akuyemo ishoti rikomeye rya Alioune Mbaye wa Gasogi United'

1' Kufura ya APR FC nyuma y'ikosa Hamis Hakim akoreye Cheik Djibril Ouattra ariko abakinnye ba APR FC bahererekanyije umupira bananirwa kuwugeza ku izamu rya Gasogi United'

UMUKINO URATANGIYE

Mbere y'uko umukino utangira amakipe yombi afashe umwanya wo kwika Dukuze Christian umwe mu bayobozi ba Gasogi United uherutse kwitaba Imana.

Abakinnyi babanje mu kibuga ku ruhande rwa Gasogi United ni Dauda Ibrahima Bareli, Muderi Akbar, Iradukunda Axel, Hakizimana Adolphe, Nduwayo Alex, Udahemuka Jean De Dieu, Mugisha Josepf Rama, Mbaye Alioune, Kokoete Udo Ibiok, Hamis Hakim na Ngono Guy Herve.

Abakinnyi babanje mu kibuga ku ruhande rwa APR FC ni Ishimwe Pierre, Niyigena Clement, Niyomugasbo Claude, Nshimiyimana Yunusu, Nshimirimana Ismael, Byiringiro Gilbert, Niyibizi Ramadhan, Ruboneka Bosco, Denis Omedi, Hakim Kiwanuka na Cheik Djibril Ouattra.

Ni umukino ikipe ya APR FC ifata nk’uwo kwihorera kuko mu mwaka w’imikino ushyize ubwo yasezererwaga muri Kimwe cya kane muri iri rushanwa, yavanywemo na Gasogi United.

Kuri uyu wa Gatatu APR FC yaje nta gahunda yo kongera gukora ikosa kuko idashaka gusezererwa na Gasogi United inshuro ebyiri zikurikiranya.

Ku wa Kane w’icyumweru gishyize nibwo Gasogi United yari yakiriye APR FC mu mukino ubanza wa ¼ mu gikombe cy’Amahoro aho uwo mukino warangiye ku munota wa mbere kuko igitego Niyibizi Ramadhan yatsinze aricyo cyatandukanyije impande zombi.

Kuri uyu wa Gatatu ikipe ya APR FC niyo ifite amahirwe menshi yo kurenga kimwe cya kane ikagera muri ½, kuko umukino ubanza yawutsinze ndetse ikanacyura igitego cy’impamba yo hanze yatsindiye kwa Gasogi United.

Kugira ngo Gasogi United ibashe gusubira mu byo yakoze mu mwaka w’imikino ushyize igasezerera APR FC, birayisaba gusoza umukino itsinze ibitego bibiri ku busa bwa APR FC.

Intsinzi yose Gasogi United iragira ariko irengeje igitego kimwe irayifasha kugera muri kimwe cya kabiri. Mu gihe umukino Gasogi United ifite igitego kimwe ku busa bwa APR FC byasaba kwiyambaza za Penaliti.

Ikipe iza kurokoka hagati ya APR FC na Gasogi United izacakirana na Polkice FC muri kimwe cya kabiri. Ikipe ya Police yahageze nyuma yo gusezerera AS Kigali ku giteranyo cy'ibitego 4-3.

Abakinnyi ba Gasogi United bari kwishyushya mbere y'uko umukino utangira

Abakinnyi ba APR FC bari kwishyushya mbere y'uko umukino utangira

APR FC yakiriye Gasogi United mu mukino wo kwishyura muri kimwe cya kane mu gikombe cy'Amahoro