Vinicius Junior yageneye ubutumwa bukomeye CR7

Mu ijoro ryakeye Vinicius Junior yatanze imipira ibiri yabyaye ibitego mu bitego 3-2 Real Madrid yatsinzemo Manchester City mu mikino ya kamarampaka muri UEFA Champions League ubwo amakipe agikina ari kwishakamo azakina kimwe cya munani.

Nyuma y’umukino mu kiganiro yagiranye n’itangazamakuru, uyu mukinnyi ukomoka muri Brazil yashimangiye ko ibyo akina afatira urugero kuri kapiteni w’ikipe y’igihugu ya Portugal Cristiano Ronaldo.

Ubwo umukino wisanze Manchester City ifite ibitego 2-1 cya Real Madrid Vinicius Junior yahinduranye umukino imbaraga zidasanzwe maze ku munota wa 86 atanga umupira kwa Brahima Diaz watsinze igitego cya 2 arongera ku munota wa 90+2 atanga umupira mwiza kwa Jude Bellingham watsinze igitego cya gatatu cyatanze intsinzi.

Vini yavuze ko mu ntego ze harimo gufasha ikipe ya Real Madrid nk’uko Cristiano yayifashije mu gihe yayikiniraga hagati ya 2009 na 2018.

Vini yagize ati: “Cristiano Ronaldo mufata nk’ikitegererezo, inshuro nyinshi turaganira kandi nguma kumwizeza ko nanjye nzafasha ikipe ya Real Madrid gutwara ibikombe nk’uko yabikoze kandi n'iki ndakimwijeje".

Mu gihe yamaze muri Real Madrid, Criatiano Ronaldo yayihesheje ibikombe 16, yayikiniye imikino 438, ayitsindira ibitego 450, ndetse anatanga imipira 113 yavuyemo ibitego.

Umunya Brazil Vini ufatira ugugero kuri Ronaldo we amaze kuyihesha ibikombe 14 mu mikino 295 amaze kuyikinira, amaze kuyitsindira ibitego 101 anatanga imipira 84 yabyaye ibitego.

Vinicius yasezeranyije Cristiano kusa ikivi cye muri Real Madrid