Ishyirahamwe ry'Umupira w'Amaguru mu Rwanda (FERWAFA) ryatumiye abanyamuryango baryo mu Nama y'inteko rusange idasanzwe ishobora kuzigirwamo uko havugururwa amategeko.
Abanyamuryango ba FERWAFA bahawe ubutumire bw'iyi nama ku munsi w'ejo ku wa Gatandatu tariki ya 1 Gashyantare. Iyi nama izabera muri Radisson Blue ku wa 15 Gashyantare 2025 guhera saa Tatu za mu gitondo.
FERWAFA yabwiye Abanyamuryango bayo ko ibizigirwamo bazabibamenyesha mu minsi iri imbere bitarenze igihe giteganywa n'amategeko shingiro y'iri Shyirahamwe mu ngingo yayo ya 38,mu gika cya kane.
Nubwo iri shyirahamwe ritigeze rivuga ibizigirwamo, ariko amakuru avuga ko ingingo ya mbere izigwaho ari ukuvugurura amategeko ya FERWAFA.
Kuvugurura amategeko bigiye kuba mu gihe mu kwezi kwa 6 muri uyu mwaka aribwo hategerejwe amatora y'ubuyobozi bushya bwa FERWAFA nyuma y'uko uburangajwe imbere na Munyantwari Alphonse buzaba burangije Manda yabwo y'imyaka ibiri bwatorewe.
Eng
RSS 
TANGA IGITECYEREZO