Zari Hassan yateje impaka nyinshi avuga ko yiteguye gushaka umugabo wa kabiri

Zari Hassan, umunyamideli ukomoka muri Uganda akaba atuye muri Afurika y'Epfo, aherutse gutangiza impaka zikomeye ku mbuga nkoranyambaga nyuma yo kubwira umugabo we, Shakib Cam Lutaaya, ko yitegura gushaka umugabo wa kabiri. 

Mu kiganiro bagiranye, Zari yabwiye Shakib ko afite umugambi wo gushaka undi mugabo, avuga ko hari itegeko ryo muri Afurika y'Epfo ryemerera abagore kugira abagabo benshi.

Yagize ati: "Ntugakine nanjye, mukunzi, nzashaka undi mugabo, ndetse nshobora kugira abagabo babiri. Uzi impamvu, muri Afurika y'Epfo, twemerewe kugira abagabo babiri. Ni itegeko rishya ryo muri Afurika y'Epfo, ryemejwe n'Inteko Ishinga Amategeko, twemerewe kugira abagabo babiri".

Nk'uko bitangazwa na Youth Village, Igisubizo cya Shakib cyari gitangaje. Yasubije agira ati: "Ndakuzi", yabimubwiye amwitegereza mu maso. 

Amashusho y'iki kiganiro yatumye gikwirakwira ku mbuga nkoranyambaga vuba, aho abantu batandukanye batangaje ibitekerezo byabo buri umwe uko abyumva.

Hari bamwe bavuze ko Zari n'uwahoze ari umugabo we ndetse banabyaranye, Diamond Platnumz, bameze kimwe. Umwe yagize ati: "Zari na Diamond ntibari kure y'ibyo, basangiye byinshi".

Abandi bo bashimangiye ko igisubizo cya Shakib cyagaragaje ko atari afite impungenge ku byo Zari yavuze, bamwe batangaza ko icyo gisubizo cyerekana ko atarabyitayeho, nk'uko umwe yavuze ati, "Yabivuze nk'aho atabyitayeho".

Nyamara, ibyo Zari yavuze si ukuri kuko nta tegeko ryo muri Afurika y'Epfo ryemerera abagore kugira abagabo benshi. Melusi Xulu, umunyamategeko wo muri Afurika y'Epfo, yemeje mu kiganiro na TUKO.co.ke ko kugira abagabo benshi bitari mu mategeko y'igihugu, ndetse yavuze ko nta tegeko ryemeje ko abagore bashobora kugira abagabo benshi.

Ibi Zari yavuze biza mu gihe hari amateka y'ubusumbane mu mibanire ye na Shakib, aho mu bihe byashize yabwiye abantu ko Shakib atita ku mubano wabo, ndetse akamushinja ko adashyira mu bikorwa inshingano ze mu muryango, bikaba byaraviriyemo Shakib kumwita umuhombyi ko atanabyara.

Nubwo bimeze bityo, Zari yagiye abera umusanzu mu gushimangira ko Shakib yatsindiye byinshi, ndetse yagiye amuvugira neza igihe abantu basekaga ubumenyi bwe mu rurimi, ndetse anashimangira uko yagaragaye ku rubuga rwa Netflix.

Zari yavugishije benshi abwira umugabo we ko azasha undi mugabo