Carlo Ancelotti yafashe umwanzuro ku gihe azatandukanira na Real Madrid

Mu mpeshyi y'umwaka ushize ni bwo uyu mutoza yari yavuzwe mu kujya gutoza ikipe y'igihugu ya Brazil gusa birangira yongereye amasezerano y'imyaka ibiri mu ikipe ya Real Madrid. Nk'uko byatangajwe na Radio yo yo muri Espagne ya Onda Cero tariki ya 20 Mutarama 2025, ashobora kutayarangiza.

Carlo Ancelotti yafashe umwanzuro ko nasoza uyu mwaka w'imikino azahita atandukana na Real Madrid akerekeza ahandi dore ko nta gahunda afite yo kuba yareka gutoza burundu.

Uyu mutoza w'imyaka 65 yasubiye muri iyi ikipe muri 2021 nyuma yuko yari yarigeze kuyitoza kuva muri 2013 kugeza muri 2015.

Umwe mu batoza bahabwa amahirwe yo kuba basimbura Carlo Ancelotti mu ikipe ya Real Madrid ni Xabi Alonso utoza Bayer Leverkusen ndetse no mu mpeshyi y'umwaka ushize byaravuzwe.

Uyu mutoza ukomoka mu Butaliyani mu myaka amaze gutoza iyi kipe amaze gutwarana nayo ibikombe birimo bitatu bya UEFA Champions League, bibiri bya shampiyona, bibiri bya Copa del Rey na bitatu bya UEFA Super Cup.

Carlo Ancelotti yafashe umwanzuro wo kuzatandukana na Real Madrid uyu mwaka w'imikino nurangira