Umunyamafaranga ukomoka mu gihugu cya Espagne, Florentino Perez yongeye gutorerwa kuyobora ikipe ya Real Madrid ku nshuro ya 7 nyuma y'uko atorewe kuyiyobora bwa mbere muri 2000.
Florentino Perez ni we mukandida rukumbi wari kuri uyu mwanya wo kuyobora iyi kipe ifatwa nkaho ariyo ya mbere ku Isi bijyanye n'ibigwi ifite.
Uyu mugabo yatangiye kuyobora Real Madrid muri 2000. Mu mwaka wa 2004 yongeye gutorwa, gusa muri 2006 aza kwegura. Muri 2009 yongeye gutorwa ari nawe mukandida rukumbi wari ku mwanya wa Perezida, aba ari na ko bigenda muri 2013, 2017 na 2021 none no mu matora ya 2024 ni ko bigenze.
Uyu mugabo uzuzuza imyaka 78 tariki ya 8 Mata muri uyu mwaka nasoza iyi Manda muri 2029 azaba ari we moyobozi uyoboye Real Madrid igihe kirekire mu mateka yayo.
Florentino Perez kuva yatangira kuyobora iyi kipe yayifashije gutwara ibikombe birimo birindi bya shampiyona ya Espagne ndetse na birindwi bya UEFA Champions League.
Usibye aya matora kandi hanongewemo abanyamuryango bashya mu ikipe ya Real Madrid barimo Francisco Garcia Sanz wari Perezida w'ikipe ya Wolfsburg yo mu Budage.
Kugeza kuri ubu ikipe ya Real Madrid niyo iyoboye urutonde rwa shampiyona n'amanota 46 aho irusha Atletico Madrid iyikurikiye amanota 2 naho ikarusha FC Barcelona ya 3 amanota 7.
Florentino Perez wongeye gutorerwa kuyobora ikipe ya Real Madrid mu myaka ine iri imbere
Eng
RSS 
TANGA IGITECYEREZO