Imirimo ingana na 8% mu 2025 na 2030 izavaho ku Isi

Mu gihe kizaza, ikoranabuhanga rizagira uruhare rukomeye mu mpinduka z’ubucuruzi, aho 60% by’abakoresha biteze ko rizahindura imikorere mu mirimo yabo mbere ya 2030. Iterambere mu bwenge buhangano  (AI) Artificial intelligence hifashishwa ama-robo , rizazamura imirimo mu ikoranabuhanga, umutekano n’ubumenyi bwa mudasobwa. 

Izamuka ry’ibiciro ku Isi rizagira ingaruka zikomeye ku mirimo, aho 50% by’abakoresha biteze ko rizahindura uburyo bakoramo. Ibi bizakenera ubuhanga mu guhanga udushya no guhangana n’ibibazo. Nubwo izamuka ry’ibiciro rizaca intege imirimo imwe, rizongera ikenerwa ry’imirimo mishya isaba ubuhanga mu guhanga udushya.

Imihindagurikire y’ikirere nayo izahindura byinshi mu bucuruzi, aho 47% by’abakoresha bateganya gukenera abahanga mu ngufu zisubiramo mu rwego rwo kurondereza ingufu no kubungabunga ibidukikije hanifashishwa ibinyabiziga bikoresha  ingufu z’amashanyarazi.

Amakimbirane mu bukungu n’ububanyi n’amahanga azatera ibigo kuvugurura imikorere, cyane cyane mu bijyanye no kwimura ibikorwa cyangwa kubisana nk'uko bikubiye muri The future of Jobs  Reports 2025. Ibi bizazamura imirimo ku gucunga umutekano w’ikoranabuhanga n’imikoranire.

Nubwo imirimo mishya iziyongera kugera kuri 14% y’imirimo yose, 8% izavaho, bikazatuma habaho izamuka rya 7% mu mibare ya  nyayo y’imirimo. Abakoresha 85% bateganya kongera ubushobozi bw’abakozi babo hibandwa ku gutanga amahugurwa.

Abakoresha 83% batangaje ko bafite gahunda zo guteza imbere uburinganire, ugereranyije na 67% byariho mu 2023. Izi gahunda zigaragara cyane mu Burengerazuba bw’Isi no mu bigo binini, bikazafasha gushaka impano zitandukanye mu rwego rwo kuzamura iterambere.

Umwanditsi:TUYIHIMITIMA Irene