Rayon Sports mu biganiro bya nyuma na rutahizamu ukomoka muri Uganda

Uyu mukinnyi w'imyaka 26 yari amaze amezi 5 adafite ikipe nyuma yuko atandukanye na MFK Vyškov yo mu Cyiciro cya Kabiri muri Repubulika ya Czech ndetse nkuko amakuru abivuga ni umwe mu bari bifujwe na APR FC mbere y'uko isinyisha Hakim Kiwanuka na Denis Omedi.

Uyu mukinnyi w’imyaka 26 uri mu biganiro bya nyuma n'ikipe ya Rayon Sports byo kuba yayisinyira amezi atandatu akunze kwifashishwa n’Ikipe y’Igihugu ya Uganda, dore ko mu mikino yo gushaka itike yo kujya mu Gikombe cy’Isi cya 2026 amaze gutsinda igitego kimwe mu mikino ine.

Mbere yuko Bayo Aziz yerekeza muri MFK Vyškov yakinaga mu ikipe ya Vipers aho mu mwaka w'imikino wa 2019/2020 yatsinze ibitego 15 mu mikino 24 yakinnye ndetse yanatwaranye nayo igikombe kiruta ibindi muri Uganda(super Cup) n'igikombe cya shampiyona.

Uyu mukinnyi naramuka asinyiye iyi kipe yaba yiyongereye kuri rutahizamu Fall Ngagne wayifashije mu mikino ibanza, dore ko ari yo iyoboye urutonde rw’agateganyo rwa Shampiyona y’u Rwanda n’amanota 36.

Aziz Bayo uri mu biganiro bya nyuma na Rayon Sports byo kuba yayerekezamo