Umuraperi Eminem [Marshall Bruce Mathers III] ni umwe mu bahanzi b’abanyabigwi ku rwego rw'isi. Kuva yatangira umuziki mu 1988, amaze gukora agashya mu njyana ya rap ndetse yagiye aca agahigo mu buryo butandukanye.
Mu gihe cy’imyaka mike ishize, hagati ya 2019 na 2024, Eminem yakoze album zitandukanye, ariko hari 5 muri zo zacurujwe cyane kurenza izindi.
Dore izo album n’imibare yazo:
The Eminem Show: Igumana umwanya wa mbere mu gucuruzwa cyane, aho yacurujwe miliyoni 8.2. Yakunzwe cyane kubera uburyo Eminem yagaragaje ubuzima bwe bwite n’imibereho ye mu njyana ya rap. Iyi album ikubiyemo ibihangano byafashije benshi kumenya indi mico n’ubuzima bwa Eminem.
Music To Be Murdered By: Iyi Album yasohotse mu mwaka wa 2020, ifite umwihariko w’inyandiko zifite ubutumwa bukomeye. Yacurujwe miliyoni 6, kandi niyo yasubije Eminem mu myanya ya mbere mu muziki, agira amahirwe yo kugaruka mu rukundo rw’abafana be.
The Marshall Mathers LP: Yacurujwe miliyoni 5.2, kandi yabaye imwe mu zafashije Eminem kugeza ku rwego rw'icyubahiro cyo ku rwego rw'isi. Ibihangano nka Love The Way You Lie byatumye iyi album ikundwa n’abafana benshi ndetse ikaba imaze kugurishwa neza kuva yagera ku isoko.
Recovery: Yacurujwe miliyoni 4.7. Iyi album yatumye Eminem agaruka ku is scene nyuma y'igihe yari amaze atavugwa cyane. Recovery ni album yabaye impamba ku bafana be, kandi ikaba yarafashije mu kuzamura urwego rw’icyubahiro cye mu muziki.
Encore: Yacurujwe miliyoni 3.7. Iyi album yatanze ibitekerezo byinshi bitandukanye ndetse ifite injyana zitandukanye, bituma ikundwa na benshi ku isi hose.
Eminem, nk’umuraperi w’icyamamare umaze igihe kirekire mu muziki, yerekanye uburyo ibihangano bye byagize impinduka mu muziki ku isi yose.
Yagize uruhare runini mu gukundisha injyana ya Rap, ibintu byari bitaramenyekana cyane mu isi ya kera, ariko ubu birimo guhindura byinshi muri sosiyete no mu ruganda rw’umuziki.
Eminem ari mu bahanzi bubashywe ku Isi
Eng
RSS 
TANGA IGITECYEREZO