Turatsinze Olivier yifurije abanyarwanda Noheli nziza

Ku isi hose, abemera ivuka rya Yezu Kristo ko yihinduye umuntu akaza kwitangira abanyabyaha ku isi, bari kwizihiza umunsi yavukiyeho wa Noheli.

Abanyarwanda nabo ntabwo baba batanzwe mu kwizihiza umunsi mukuru wa Noheli cyane ko ubanezeza bikomeye cyane. 

Mu rwego rwo kwifatanya n’abanyarwanda mu kwizihiza umunsi mukuru wa Noheli, Turatsinze Olivier ukinira Kepler BBC yifurije abanyarwanda bose kuryoherwa na Noheli.

Turatsinze Olivier mu butumwa yanyujije ku Inyarwanda.com yagize ati: “Ku banyarwanda bose bizihiza umunsi ukomeye nk'uyu, nimwishime kandi munezerwe inkuru nziza yadutashyemo umukiza w'isi yatuvukiye hallelujah!

Ndabifuriza kwakira umwami Yezu Kristo avukire muri twe kandi akorere muri twe kuko imibiri yacu ari zo nsengero zikomeye. Mugire umunsi mwiza w'ivuka rya Yezu Kristo murakoze."

Turatsinze Olivier wifurije abanyarwanda bose kuryoherwa na Noheli ni umwe mu bakinnyi b’abanyarwanda bakomeje kwigarurira imitima ya benshi mu mukino wa Basketball ya hano mu Rwanda.

Turatsinze Olivier ni umwe mu bakinnyi b’intangarugero, kuko shampiyona ya 2023 ya basketball niwe yatowe nk’umukinnyi w’irushanwa MVP, aba umukinnyi wartsinze amanota menshi ndetse afasha Espoir BBc gusoreza ku mwanya wa gatatu.

Muri uyu mwaka uri kugana ku musozo, Turatsinze Olivier nawo yawukoreyemo amateka akomeye cyane, kuko yafashije ikipe y’igihugu y’u Rwanda ya 3x3 kuba iya kabiri mu gikombe cya Africa, ndetse aza mu ikipe ya Africa ya 3x3.

Turatsinze Olivier yifurije abanyarwanda Noheli nziza