Jackie Chan, Ralph Macchio na Ben Wang bahuriye muri Filime "Karate Kids: Legends"

Ralph Macchio, umukinnyi w'icyamamare muri Cobra Kai yakozwe na Netflix na Jackie Chan wakinnye nk'umwarimu wa Karate, Mr. Han, muri Karate Kid yo mu 2010, bahuriye mu gice gishya cy'iyi filime yitwa Karate Kids: Legends.

Iyi filime ije nyuma y'itangazo ryatanzwe ku itariki ya 21 Ugushyingo 2023, aho bashakishije umwana wujuje ibisabwa kugira ngo akine muri iyi filime.

Nyuma yo gukora ubushakashatsi, Ben Wang ni we watoranyijwe, ashingiye ku bumenyi bwe mu mirwanire, cyane cyane karate, Wing Chun, Kung Fu, Kempo, na Tae Kwondo. Ben Wang kandi azi neza zimwe mu ndimi zakoreshejwe muri filime.

Karate Kid yatangiye nk'igikorwa gito cy'ubucuruzi mu 1984, ikundwa cyane, ndetse ikaza no kugaragaramo Ralph Macchio nka Daniel LaRusso, umusore waturutse mu Burasirazuba bwa Leta Zunze Ubumwe za Amerika akajya mu muryango wa San Fernando Valley.

Yahuguwe na Mr. Miyagi (Pat Morita), atsinda imbogamizi agera ku rwego rwo kuba umukinnyi w'icyubahiro. Iyi filime yaje kugira ibice bibiri byakurikiyeho, ndetse n'igice cya kane cyagaragayemo Hilary Swank.

Abakinnyi Jackie Chan na Ralph Macchio, basanzwe bamenyerewe mu bikorwa bya filime zitandukanye, cyane cyane Cobra Kai, aho bahuriye mu mwuga w'imirwanire ya Karate. Jackie Chan ni icyamamare mu mirwanire, ndetse azwi cyane no kuba afasha mu gutanga ibyishimo mu buryo bw'urwenya n'ibisetsa mu buryo bwihariye.

Filime Karate Kids: Legends iyoborwa na Jonathan Entwistle, ikinamo Ben Wang nk'umunyeshuri muto wa karate. Joshua Jackson, Sadie Stanley, Ming-Na Wen, Aramis Knight, na Wyatt Oleff nabo bari muri iyi filime.

Filime Karate Kids: Legends, izasohoka ku itariki ya 30 Werurwe 2025

Umwanditsi: NKUSI Germain