Ni Umunsi Mpuzamahanga wo kurwanya ruswa! Ibyaranze uyu munsi mu mateka

Ibintu biba byarabaye kuri iyi tariki mu myaka yashize ni byinshi cyane ariko uyu munsi, InyaRwanda yaguhitiyemo bimwe mu by’ingenzi bidateze kwibagirana mu mateka y’isi.

Buri mwaka ku ya 9 Ukuboza, hizihizwa Umunsi mpuzamahanga wo kurwanya ruswa, aho hirya no hino ku Isi abaturage bakangurirwa kwirinda gutanga no kurwanya ruswa. Ni umunsi washyizweho n’Umuryango w’Abibumbye ku ya 31 Ukwakira 2003.

Bimwe mu byaranze uyu munsi:

1905: Mu Bufaransa hatowe itegeko ritandukanya imikorere ya Leta n’iya Kiliziya.

1961: Icyahoze ari Tanganyika cyigobotoye ubukoloni bw’Abongereza, gitangira kwigenga.

2008: Uwahoze ari Guverineri wa Leta ya Illinois witwa Rod Blagojevich yatawe muri yombi n’inzego z’ubuyobozi akurukiranyweho ibyaha bitandukanye birimo gushaka kugurisha umwanya wa Barack Obama muri sena, icyo gihe wari utararahirira kuba Perezida.

2016: Muri Nigeria, abakobwa babiri biturikirijeho ibisasu mu isoko riherereye mu Mujyi wa Madagali maze abagera kuri 57 bahasiga ubuzima, abandi 117 barakomereka.

2016: Park Geun-hye, wari Perezida wa Korea y’Epfo yegujwe n’Inteko y’Igihugu ashinjwa amakosa ya politiki.

2017: Australia yabaye igihugu cya 26 cyemeye kuzajya gisezeranya abashaka kubana bahuje igitsina.

2019: Ahazwi nko ku Cyirwa cy’Umweru muri Nouvelle-Zélande, iruka ry’ikirunga ryahitanye abagera kuri 18.

Abavutse uyu munsi:

1973: Niyongabo Venuste, Umurundi wamamaye mu mukino wo gusiganwa ku maguru wanabaye uwa mbere watsindiye umudali wa zahabu mu mikino ya Olempike.

1987: Kostas Giannoulis, Umugiriki wakanyujijeho muri ruhago.

1988: Kwado Asamoah, Umunye-Ghana wamamaye cyane akina umupira w’amaguru.

Bamwe mu bitabye Imana uyu munsi:

1565: Papa Pius IV, wabaye Umushumba wa Kiliziya Gatolika mu Kinyejana cya 16.

1669: Papa Clement IV, wabaye Umushumba wa Kiliziya Gatulika mu Kinyejana cya 17.