Ikipe ya APR FC yafashe umwanzuro wo guhagarika by’agateganyo uwari Team Manager wayo, Eric Ntazinda nyuma y'uko iyi kipe yakoze amakosa mu misimburize yabaye ku mukino na Gorilla FC ikisanga ifite abanyamahanga barindwi mu kibuga kandi hemewe batandatu.
Uyu Team Manager yahagaritswe ku munsi w'ejo ku wa Kabiri tariki ya 5 Ugushingo 2024 ubwo yari yagiye mu myitozo y'iyi kipe y'Ingabo z'Igihugu itegura Vision FC gusa akaza kubwirwa kujya gufata ibaruwa imuhagarika kuri iyi mirimo.
Ubusanzwe Team Manager niwe uba ufite inshingano zo gukurikirana ibijyanye n'abakinnyi bajya mu kibuga niba bemewerewe kuba barimo yaba ari abasimbuye cyangwa ababanjemo bikaba ariyo mpamvu Eric Ntazinda ariwe ushyirwaho amakosa yo kuba ikipe ya APR FC yarisanze ikinisha abakinnyi b'Abanyamahanga barindwi kandi FERWAFA yemera Batandatu.
Kugeza ubu nti harafatwa umwanzuro kuri iki kibazo nyuma y'uko Gorilla FC itanze ikirego muri FERWAFA.
Eric Ntazinda wahagaritswe by'agateganyo yasubiye muri APR FC mu mwaka w'imikino wa 2022-2023 nyuma yo kuyibamo mbere.
Ikipe y'Ingabo z'Igihugu kugeza ubu iri ku mwanya wa 25 n'amanota 5 ku rutonde rwa shampiyona,ikaba irasubira mu kibuga kuri uyu wa Kane ikina na Vision FC kuri Kigali Pelé Stadium.
Erik Ntazinda wahagaritswe by'agateganyo na APR FC ku nshingano zo kuba Team Manager
Eng
RSS 
TANGA IGITECYEREZO