UN yatanze umuburo ku kibazo cy'inzara muri Afurika

Ishami ry’Umuryango w’Abibumbye ryita ku biribwa n’ubuhinzi (FAO) na Porogaramu y’ibiribwa ku isi (WPF) baherutse gushyira ahagaragara raporo nshya bise "Hunger Hotspots", igaragaza ibibazo birimo amakimbirane, imihindagurikire y’ikirere, ndetse n’ihungabana ry’ubukungu mu bijyanye no kwihaza mu biribwa ku isi.

Mu bindi bibazo bigaragara muri iyi raporo bituma Afurika itabasha kugera ku rwego rwo kwihaza mu biribwa, harimo ubukene, ibibazo bishingiye kuri politiki, ubusumbane, umuvuduko ukabije wo kwiyongera kw’abaturage n’ibindi.

Ibi bitangajwe nyuma y’uko muri Kanama uyu mwaka, Raporo y’Ihuriro Nyafurika ku Iterambere ry’Ubuhinzi (AGRA) yagaragaje ko mu bihugu bitanu biri mu Karere ka Afurika y’Iburasirazuba byakorewemo ubushakashatsi, u Rwanda ruri mu bihugu bya mbere byabashije kugabanya umubare w’abaturage batihagije mu biribwa.

Afurika iracyari umugabane ukennye cyane ku Isi, ukaba ufite ibihugu 23 mu bihugu 28 bikennye cyane. Mu 2024, abantu bagera kuri miliyoni 429 muri Afurika babayeho mu bukene bukabije, aho umuntu ashobora gukoresha amadolari 2.15 y'Amerika ku munsi.

Mu gihe Afurika ihanganye n‘ibi bibazo byose, umubare w’Abanyafurika na wo witezweho kwiyongera mu bihe biri imbere ku buryo Abanyafurika bazaba bikubye kabiri mu 2050, bageze kuri miliyari 2,5.

Dore ibihugu bizahajwe n'inzara ikabije muri Afurika: