Ubwo Liverpool yakinaga na Bournemouth mu mukino w'u munsi wa gatanu wa Shampiyona y'u Bwongereza "English Premier League", Luis Diaz yanze ko Liverpool isuzugurwa bwa kabiri.
Liverpool yari yakiriye Bournemouth. Ni umukino Liverpool yaje yakaniye cyane ko itashakaga gutsindwa, kandi mu mukino wabanje nabwo yari yaratsinzwe na Nottingham Forest igitego kimwe ku busa.
Ni umukino watangiye Liverpool iri gukina neza, biyitwara iminota 26 kugira ngo umunya Colombia Luis Diaz afungure amazamu ku mupira yahawe na Ibrahima Konate.
Nyuma y'iminota ibiri Liverpool ibonye igitego cya Luis Diaz, ku munota wa 28 Diaz yatsinze igitego cya kabiri, itangira kwizera intsinzi hariki kare. Ku munota wa 37, umunya Uruguay Darvin Nunez yatsinze igitego cya gatatu, ku mupira yahawe na Mohammed Salah.
Ibitego bitatu bya Liverpool ni nabyo byasoje igice cya mbere. Mu gice cya kabiri Liverpool yagarutse isa naho yamaze kubona intsinzi, nuko irinda ibyo yagezeho mu gice cya mbere.
Umukino warangiye ari ibitego bitatu bya Liverpool yatsinze mu gice cya mbere, umutoza Arne Slot yiyunga n'abafana. Mu mikino itanu iyi kipe imaze gukina, imaze gutsinda ine, mu gihe yatsinzwe umukino umwe. Gutsinda uyu mukino byatumye Liverpool igira amanota 12.
Mu yindi mikino, Aston Villa yatsinze Wolves 3-1, Fulham itsinda Newcastle United 3-1, Leicester City igwa miswi na Everton 1-1, Southampton igwa miswi na Ipswich Toun 1-1, naho Tottenham Hotspur itsinda Brentford 3-1
Liverpool yabonye intsinzi ya kane mu mikino itanu ya English Premier League
Liverpool iraye ku mwanya wa mbere w'agateganyo wa shampiyona y'u Bwongereza
Eng
RSS 
TANGA IGITECYEREZO