Amavubi yazamutseho umwanya umwe ku rutonde rwa FIFA

Kuri uyu wa Kane tariki ya 19 Nzeri 2024 ni bwo FIFA yashyize hanze urutonde rugaragaza uko amakipe y'ibihugu ahagaze muri uku kwezi kwa Nzeri. Kuri uru rutonde "Amavubi" yisanze yazamutseho umwanya umwe iva ku mwanya w'i 131 ijya ku mwanya w'i 130.

Ibi bibaye nyuma y'uko Amavubi aheruka kunganya n'ikipe y'igihugu ya Libya na Benin igitego 1-1 na Nigeria 0-0 mu gushaka itike y'igikombe cy'Isi cya Afurika cya 2025 kizabera muri Morocco.

Nta mpinduka zabaye mu myanya 15 ya mbere ku Isi aho Argentine, u Bufaransa, Espagne, u Bwongereza, Brésil, u Bubiligi, u Buholandi, Portugal, Colombia n’u Butaliyani biri mu bihugu 10 bya mbere.

Muri Afurika, ibihugu bitandatu bya mbere ni Maroc, Sénégal, Misiri, Côte d’Ivoire, Tunisia na Nigeria.

Muri rusange umwanya mwiza Amavubi yagize mu mateka kuri uru rutonde ngarukakwezi rwa FIFA ni uwa 68 muri 2015 ubwo yatozwaga n'Umwongereza Stephane Philip Constantine.

Amavubi yavuye ku mwanya w'i 131 ku rutonde rwa FIFA ajya ku mwanya w'i 130