Borussia Dortmund yo mu Budage ikomeje gutanga amakipe yo mu Bwongereza kuzamura impano zikomeye zo muri icyo gihugu. Ni nyuma y'uko iyi kipe ibarizwa i Dortmund yazamuye abarimo Jude Bellingham na Jadon Sancho.
Bwa mbere, Dortmund yabanje kuzamura Jadon Sancho imugurisha muri Manchester United nubwo ibintu bitagenze neza. Sancho yongeye gutizwa muri Dortmund yongera kubica biracika, bigaragara ko gusubira hasi ageze muri Manchester United atari uko yari yahindutse umuswa ahubwo ari uko atisanze mu mikinire ya Manchester united.
Nyuma yo kuzamura Jadon Sancho, Dortmund yakurikijeho Jude Bellingham ubu ari kubica bigacika muri Real Madrid. Jude Bellingham we yageze muri Real Madrid arahirwa cyane, kuko umwaka wa mbere avuye muri Dortmund yatwaranye na Real Madrid UEFA Champions League.
Nyuma yo kuzamura Jude Bellingham na Jadon Sancho, ubu muri Borussia Dortmund hagezweho Jamie Gittens nawe ukomoka mu Bwongereza.
Uyu Jamie Gittens yaciye amarenga ko nawe azagera ikirenge mu cya Jude Bellingham na Jadon Sancho bene wabo, abikora ubwo yahashaga Borussia Dortmund gutsinda Club Brugge mu mikino ya UEFA Nations League.
Ubwo Dortmund yakinaga na Club Brugge muri UEFA Champions League, umukino wageze ku munota wa 75, abakunzi ba Dortmund batazi aho intsinzi bayikura imbere y'abafana bayo.
Nubwo umukino wageze ku munota wa 75 nta gitego Dortmund irabona, ku munota wa 68 ni bwo Umwongereza Jamie Gittens yinjiye mu kibuga asimbuye Umunya-Austria Marcel Sabitzel.
Ku munota wa 76, ubwo Jamie Gittens yari amaze iminota umunani yinjiye mu kibuga, yaboneye Borussia Dortmund igitego cya mbere ku mupira yahawe na Emre Cane.
Ku munota wa 86 ubwo Jamie Gittens yari amaze iminota 18 mu kibuga, yatsindiye Borussia Dortmund igitego cya kabiri maze abafana bari kuri Signal Iduna Park bongera gutora akuka.
Ku munota wa 90+4, uyu Jamie Gittens yaje gukorerwa ikosa ryabyaye penaliti yatewe neza na Serhou Guirassy, Dortmund ibona ibitego bitatu ku busa bwa Club Brugge.
Nyuma y'umukino Jamie Gittens yatowe nk'umukinnyi w'umukino, maze Stephen Warnock wahoze akinira Liverpool atangaza ko uyu mwana agiye kuzabera inzozi mbi ba myugariro.
Stephen Warnock yagize ati "Jamie Gittens afite umuvuduko nk'uwamashanyarazi. Njye nk'umuntu wakinnye nugarira, navuga ko uyu mwana agiye kuzaba inzozi mbi kuri ba myugariro. Biragoranye kumufata, isaha ku isaha aba ajarajara ku buryo nta buryo bwo kumuhagarika iminota yose buba buhari."
Muri Kanama 2004 ni bwo Jamie Gittens yavukiye i London mu Bwongereza, akura akunda kwisomera ibitabo. Mu 2018, ubwo yari afite imyaka 14 yinjiye mu bakiri bato ba Manchester City. Mu 2020 yerekeje muri Dortmund y'abato, cyane ko ari ikipe yanakinirwaga n'Abongereza nka Jude Bellingham na Jadon Sancho.
Umukino wa mbere, Jamie Gittens yakinnye nk'umukinnyi wabigize umwuga, yawukinnye na Chelsea muri 2022, icyo gihe hari muri UEFA Champions League. Igitego cya mbere mu mikino yo ku Mugabane w'u Burayi, yagitsinze Inter Milan mu mwaka w'imikino ushize wa 2023-2024 wa UEFA Champions League.
Jamie Gittens uri hagati yafashije Dortmund kwivana mu nzara za Club Brugge
Borussia Dortmund ifite umwihariko mu kumurika impano ziva mu Bwongereza
Eng
RSS 
Nyuma Jude Bellingham na Jadon Sancho, Dortmund iri kuzamura indi mpano yo mu Bwongereza 
TANGA IGITECYEREZO