UEFA Champions League: Real Madrid, Liverpool na FC Bayern Munich zatangiye zihana

Kuri uyu Wa Kabiri tariki ya 17 Nzeri 2024 nibwo iyi mikino ya UEFA Champions League yo ku munsi wa mbere yatangiye gukinwa.

Saa Kumi n'Ebyiri n'iminota 45 ikipe ya Juventus yo mu Butaliyani yari  yakiriye PSV Eindhoven yo mu  Buholandi kuri Allianz Stadium. 

Uyu mukino warangiye Juventus itsinze ibitego 3 bya Kenan Yildiz , Weston McKennie ndetse na Nicolas Gonzalez kuri 1 cya PSV Eindhoven cyatsinzwe na Ismael Saibari.

Kuri izi Saha kandi ikipe ya Young Boys yo mu Busuwisi yari yakiriye Aston Villa yo mu Bwongereza. Ni umukino warangiye Aston Villa itsinze ibitego 3-0 bya Youri Tielemans ,Jacob Ramsey na Amadou Onana.

Saa Tatu z'ijoro ikipe ya AC Milan yo mu Butaliyani yahise yakira Liverpool yo mu Bwongereza. Ni mu mukino warangiye Liverpool itsinze ibitego 3 bya Konate, Virgir ndetse na Dominik Szoboszlai kuri 1 cya AC Milan cyatsinzwe na Christian Pulisic.

FC Bayern Munich yo mu Budage yari yakiriye Dinamo Zagreb yo muri Croatia inayinyagira ibitego 9-2. Ni ibitego byatsinzwe na Harry Kane watsinze 4 wenyine,Guerreiro, Michael Olise,Leroy Sane ndetse na Goretzka naho 2 bya Dinamo Zagreb byo bitsindwa na Petkovic ndetse na Ogiwara.

Real Madrid yari yakiriye VFB Stuttgart yo mu Budage yayitsinze ibitego 3 bya Kylian Mbappé,Rudiger na Endrick kuri 1 cya Undav. Undi mukino wakinwaga ni uwo Sporting CP yo muri Portugal yakire Lille yo mu Bufaransa ikanayitsinda ibitego 2-0 bya Victor Gyokeres na Debast.

Iyi mikino ya UEFA Champions League izakomeza gukinwa ku munsi w'ejo ku wa Gatatu aho Saa Kumi n'Ebyiri FC Bologna yo mu Butaliyani izakira Shakhtar Donetsk yo muri Ukraine naho Sparta Prague yo muri Repubilika ya Czech yakire FC Red Bull Salzburg yo muri Australia.

Saa Tatu z'ijoro Celtic yo muri Scotland izakira Slovan Bratislava yo muri Slovakia,Club Brugge yo mu Bubiligi yakire Borussia Dortmund yo mu Budage, Manchester City yo mu Bwongereza yakire Inter Milan yo mu Butaliyani naho Paris Saint-Germain yo mu Bufaransa yakire Girona yo muri Espagne.

Kylian Mbappé yishimira igitego yatsinze 

Harry Kane watsindiye FC Bayern Munich ibitego 4 bakina na Dinamo Zagreb

Ikipe ya Liverpool yasanze AC Milan iyitsindirayo ibitego 3-1