Chelsea isigaye itozwa na Enzo Maresca, yatangaje ko igiye gushakisha Umunya Colombia w'imyaka 20 y'amavuko, John Duran, naho Juventus ikaba yiyongereye ku makipe yifuza Douglas Luiz wa Aston Villa.
Amakuru y'imikino yanditswe mu binyamakuru i Burayi, reka tuyatangirire mu Kinyamakuru Telegraph, cyatangaje ko Chelsea yifuza Umunya Colombia w'imyaka 20 y'amavuko John Duran ukinira Aston Villa mu Bwongereza.
Sky Sports yatangaje ko Juventus yiyongereye mu makipe yifuza Umunya Brazil ukina mu kibuga hagati muri Aston Villa, Douglas Luiz.
Arsenal ya Mikel Arteta, niyo imaze iminsi igaragaza ubushake bwo gusinyisha uyu mukinnyi w'imyaka 26 y'amavuko ukomoka muri Brazil.
Sky Sports mu Budage yatangaje ko Bayern Munich yifuza myugariro wa Chelsea Levi Colill, ndetse na Myugariro wa Bayer Leverkusen Jonathan Tah.
Inkuru ya Jonathan Tah, Sky Sports iyihuriyeho na Bild yo mu Budage, nayo yatangaje ko Bayern Munich yatangiye ibiganiro na Jonathan Tah wa Bayer Leverkusen.
Ikinyamakuru Metro cyanditse ko Manchester United yiyongereye kuri Arsenal mu makipe yifuza Rutahizamu Joshua Zirkzee, Umuhorandi ukinira Bologna.
La Gazetta dello Sports mu Butaliyani yanditse ko West Ham United na Aston Villa, zifuza Umwongereza w'imyaka 26 y'amavuko ukinira AS Roma, Tammy Abraham.
Metro yavuze ko Arsenal idashaka gutandukana n'umunya Denmark w'imyaka 16 y'amavuko Chido Obi-Martin. Uyu mukinyi Bayern Munich ikaba imushakira hasi kubura hejuru.
ESPN yatangaje ko Manchester United muri ba rutahizamu yifuza harimo Umwongereza ukinira Brentford Ivan Toney na Jonathan David, Umunya Canada ukinira Lille.
The Mirror yatangaje ko umutoza mushya wa Bayern Munich Vincent Kompany, yatangaje ko yifuza myugariro wa Liverpool Joe Gomez.
Athletic yavuze ko ko West Ham United ishaka kongerera amasezerano myugariro wayo ukomoka mu Bwongereza Ben Johnson.
Football Insider yatangaje ko Arsenal yiteguye gutandukana na myugariro ukomoka muri Scotland Kieran Tierney. Amakuru avugwa ko Arsenal yiteguye kwakira miliyoni 15£ kuri uyu myugariro.
Athletic yavuze ko ko Umudage w'imyaka 32 ukinira Brighton Pascal Gross, ari mu biganiro byo kongera amasezerano n'ikipe ya Brighton akinira.
Juventus yiyongereye kuri Arsenal mu makipe yifuza Umunya Brazil ukina mu kibuga hagati muri Aston Villa Douglas Luiz
Chelsea yagaragaje ko yifuza Umunya Colombia w'imyaka 20 y'amavuko John Duran wa Aston Villa
Eng
RSS 
TANGA IGITECYEREZO