Mu gitondo cyo kuri uyu wa Kane mu Rwanda, hakaba ku manywa yo ku wa gatatu muri Leta Zunze Ubumwe za Amerika, Miami Heat, yatsinze Boston Celtics mu mukino wa kabiri wa NBA Playoffs.
Imikino ya NBA Playoffs igeze muri kimwe cya Kane, haba mu gace k'Uburengerazuba no mu Burasirazuba. Amakipe ari gukina imikino ya kabiri muri kimwe cya Kane, aho Miami Heat yatsinze Boston Celtics amanota 111 ku 101 amakipe yombi ahita agira intsinzi imwe kuri imwe, ibintu byantunguye abakunzi ba Boston Celtics.
Gutsinda uyu mukino, Miami Heat yabigezeho mu gace ka mbere, aka gatatu n'aka Kane. Mu gihe aka kabiri Boston Celtics yatsinze amanota 34 kuri 30 ya Miami Heat.
Mu gace ka mbere Miami Heat yatsinze amanota 28 kuri 27 ya Celtics, aka gatatu itsinda amanota 27 kuri 18 naho aka Kane itsinda 26 kuri 22. Umukino warangiye ku ntsinzi ya Miami Heat n'amanota 111 ku 101 ya Boston Celtics.
Uretse Miami Heat yatsinze Boston Celtics, no kuri Paycom Center habereye umukino wa kabiri muri NBA Playoffs wahuzaga Oklahoma City Thunder na New Orleans Pelicans.
Kuri Paycom Center, Oklahoma City Thunder yatsinze amanota 124 kuri 92 ya New Orleans Pelicans, iba iyitsinze umukino wa kabiri, dore ko no mu mukino wa mbere Oklahoma City Thunder yari yatsinze New Orleans Pelicans.
Miami Heat yatsinze Boston Celtics mu mukino wa kabiri wa NBA Playoffs
Miami Heat na Boston Celtics ziranganya intsinzi imwe kuri imwe
Eng
RSS 
TANGA IGITECYEREZO