Davido yabajijwe umubano we na Burna Boy azunguza umutwe

Umuhanzi David Adeleke uzwi nka Davido uherereye muri Amerika magingo aya, mu kiganiro na Sway’s Universe,  yabajijwe ku mubano we n’abahanzi nka Wizkid na Burna Boy bigaragara ko ari bo bayoboye muri iki gihe, yanga kugira icyo arenzaho.

Umunyamakuru wari wamutumiye yagize ati “Ujya uvugana na Burna Boy na Wizkid?”. Davido yahise aceceka nyamara azunguza umutwe mu rwego rwo kugaragaza ko batajya bavugana.

Umunyamakuru yongeye amubaza niba nta biganiro na bicye bagirana, Davido arongera abishimangira azunguza umutwe nta jambo na rimwe avuze.

Nyuma y’uko yabonaga iyo ngingo bagiye kuyivaho, Davido yavuze ko Burna Boy na Wizkid bamutabaye ubwo yagiraga ibyago byo gupfusha umwana ariko nta mubano uhambaye basanzwe bafitanye urenze guhurira mu bikorwa by’umuziki gusa.

Muri iki kiganiro, nibwo Davido yabajijwe niba yemera ko we na Burna Boy na Wizkid aribo bahanzi bakomeye cyane mu njyana ya Afrobeats ku Isi hose hanyuma Davido ahita avuga ko ubarenze ari we.