Manchester United nyuma yo gutakaza Rasmus Hojuland, yagaragaje imbaraga nke imbere ya Fulham, mu gihe Manchester City yo nta mwanya wo gutakaza ifite.
Manchester United yongeye kugaragaza imbaraga nke imbere y'abafana bayo, aho yatsinzwe na Fulham ibitego bibiri kuri kimwe.
Byamaze kugaragara ko rutahizamu ukomoka muri Denmark, Rasmus Hojlund, ariwe ufatiye runini iyi kipe, dore ko nyuma yo kudakina umukino wa none, Manchester United yabuze ibitego, birangira itakaje amanota atatu y'uyu munsi.
Kuri Old Trafford, igice cya mbere cyarangiye amakipe yombi anganya ubusa ku busa, Eric Ten Hag ajya kuruhuka akubita agatoki ku kandi, azi ko mu gice cya kabiri aza gutsinda Fulham nk'uko yari amaze iminsi abimenyereje abakunzi ba Manchester United.
Imbere y'abafana ba Manchester United, Fulham yatsinze igitego ku munota wa 65 gitsinzwe na Calvin Bassey, ubwo Fulham itangira kuyobora umukino.
Ubwo iminota 90 yari hafi kurangira, myugariro Harry Maguire yishyuye igitego ku munota wa 89, nuko amakipe yombi atangira gukina iminota ya nyuma anganya igitego kimwe kuri kimwe.
Ku munota wa 97, umunya Nigeria Alexis Iwobi, yajombye igikwasi mu mitima y'abafana ba Manchester United, nuko ayitsinda igitego cya Kabiri cyanatumye Manchester United irata amanota atatu.
Kuba Rasmus Hojlund atari mu mukino, byatumye umutoza yiyambaza Omari Forson wakinnye mu mwanya wa Marcus Rashford, nuko Rashford ajya gukina nk'umwataka, umwanya usanzwe ari uwa kabuhariwe Rasmus Hojlund.
Gutsindwa uyu mukino ku ruhande rwa Manchester United, byatumye iguma ku manota 44 n'umwanya wa Gatandatu, mu gihe Fulham yahise ifata umwanya wa kabiri n'amanota 32.
Manchester City nayo yakinnye umukino wayo w'umunsi wa 26 wa English Premier League, umukino wabereye kuri Vitality Stadium, ikibuga cya Bournemouth.
Muri uyu mukino Man City yari yamanukanye intwaro zayo zose harimo Matheus Nunes, Erling Haaland, Phil Foden, Bernardo Silva, Mateo Kovacic, Rodrigo Hernandez ndetse n'abandi.
Ku munota wa 24, ni bwo Phil Foden wa Manchester City yafunguye amazamu, nuko Manchester City itangira kuyobora umukino n'igitego kimwe ku busa bwa Bournemouth.
Icyo gitego cya Phil Foden, ni na cyo cyasoje umukino warangiye ari igitego kimwe ku busa bwa Bournemouth.
Gutsinda uyu mukino kuri Manchester City, byatumye iguma kuba iya Kabiri nyuma ya Liverpool iyirusha inota rimwe. Manchester City ifite amanota 59, aho imaze gukina imikino 26.
Phil Foden yafashije Manchester City kwikura kwa Bournemouth
Manchester United idafite Hojlund yatsinzwe na Fulham
Eng
RSS 
TANGA IGITECYEREZO