Umutoza wa Manchester United n'abakinnyi be 2 bahawe ibihembo by'ukwezi

Buri kwezi muri shampiyona y'ikiciro cyambere mu Bwongereza batanga ibihembo ku bakinnyi ndetse n'abatoza baba baritwaye beza kurusha abandi. 

Kuri uyu Wagatanu nibwo hatanzwe iby'ukwezi gushize kwa 11 ariko hafi ya byose byigiriye mu ikipe ya Manchester United.

Umutoza w'ukwezi yabaye Erik Ten Hag nyuma yuko imikino 3 yose bakinnye mu kwezi gushize bayitsinze ndetse ntibinjizwa n'igitego. Manchester United yatsinze Fulham, Luton Town na Everton. Erik Ten Hag yagitwaye ahigitse abarimo Rob Edwards, Eddie Howe na Andoni Iraola.

Umukinnyi w'ukwezi yabaye myugariro wa Manchester United, Harry Maguire ahigitse abarimo Jeremy Doku wa Manchester City, Newcastle United's Anthony Gordon wa Newcastle United, Raheem Sterling wa Chelsea, Marcus Tavernier wa AFC Bournemouth na Thomas Kaminski wa Luton Town.

Uyu mukinnyi w'Umwongereza yatwaye iki gihembo nyuma yuko abanje mu kibuga imikino 3 yakinwe mu kwezi gushize ntibinjizwa igitego. 

Igihembo cy'umukinnyi watsinze igitego cy'ukwezi cyatwawe na Alejandro Garnacho ukina asatira anyuze ku ruhande rw'ibumoso mu ikipe ya Manchester United. 

Iki gitego yahembewe ni icyo yatsinze bakina na Everton aho yagiye mu kirere arihindukiza arekura ishoti benshi batangira kukigereranya nkicyo Wayne Rooney yigeze gutsinda Manchester City muri 2010.

Erik Ten Hag n'abakinnyi be 2 bahawe ibihembo by'ukwezi muri Premier League

Uburyo Garnacho yatsinzemo igitego cyatumye ahabwa igihembo cy'igitego cy'ukwezi kwa 11