Ahabanza Imyidagaduro

Marina na Yvan Muziki batunguranye: Kaayi, Ruti Joel na Masamba banyuze abitabiriye Kigali Night-AMAFOTO+VIDEO

Yanditswe na: Abitije Seraphin Elise
Taliki:31/12/2022 10:30 0

Igitaramo cya Kigali Night kiri mu byari bitegerejwe na benshi bisoza umwaka cyaraye kibaye kinitabirwa na benshi biganjemo abakunzi b’injyana gakondo.

Ku mugoroba wo kuri uyu wa 30 Ukuboza 2022 muri Hoteli Onomo habereye igitaramo gikomeye kitabiriwe n’abasilimu bari babucyereye ku bwinshi.

Saa 20:00 ni bwo igitaramo cyari gitangiye kiyobowe n’abanyarwenya bazwi bo mu itsinda rya Zuby Comedy.

Aba basore bagiye banyuzamo bakanashyiramo ubuhanga bwabo mu rwenya bigatuma abantu barushaho kwizihirwa.

Umuhanzi Kaayi uri mu bari kuzamuka neza ni we wabanje ku rubyiniro aririmbira abantu indirimbo ze zitandukanye by’umwihariko iyitwa Pali yasubiyemo ubugira kabiri.

Mu masaha ashyira saa 21:00 Ruti Joel witegura gushyira hanze Album nshya wanayisogongejeho abitabiye, nibwo yageze ku rubyiniro.

Uyu musore wahisemo kuvanga gakondo nyarwanda n'aho isi igeze kandi benshi babikunda, yizihiye abantu mu buryo bukomeye, bikaba byashimangirwaga n’amashyi y'urufaya yagendaga ahabwa mu bihe bitandukanye.

Massamba ni we wari umuhanzi mukuru muri iki gitaramo. Ubwo yageraga ku rubyiniro mu masaha arengaho gato saa 22:00, ibintu byahinduye isura.

Abantu bahise bahaguruka baragacinya dore ko umuziki w’uyu mugabo wamaze kuba ubukombe mu mitwe y’abantu b’ingeri zose yaba abato n’abakuru bakunda uko aririmba n’ubuhanga agira mu gutondecyeranya amagambo.

Ubwo yari ku rubyiniro yakiriye Marina Deborah n’umukunzi we Yvan Muziki. Aba nabo barushijeho gutuma abitabiriye iki gitaramo bizihirwa cyane.

"Kigali Night" ni igitaramo kitabiriwe n'abiganjemo abanyarwanda baba mu mahanga baje gusoreza umwaka mu Rwanda.

Umuhanzi Kaayi uri mu batanga icyizere unafite indirimbo ikunzwe yitwa Pali ni we wabimburiye abandi ku rubyiniro

Zuby Comedy ni bo bayoboye igitaramo cya Kigali Night berekana ko bashoboye, ndetse ko hamwe nabo nta rungu

Umuhanzi Victor Rukotana yatunguranye muri iki gitaramo

Ruti yerekanye ubuhanga bukomeye anagaragarizwa urukundo

Ruti Joel yasogongeje abantu kuri Album nshya

Yvan Muziki na Marina bari mu bahanzi batunguranye baranishimirwa bikomeyeAkamwenyu kari kose kuri buri umwe

Masamba yakiriye abarimo Yva Muziki bamufasha gutaramira abitabiye Kigali Night

Gakondo yabaye ubukombe irandaranda no mu bato batari gito

Uko Masamba yaririmbaga niko abantu banyuzagamo bakagacinya

Masamba yongeye kwerekana ko gakondo y'u Rwanda ari umuzi w'umuziki

David Bayingana n'inshuti ni bamwe mu bari bitabiriye

Abantu bari bitabiriye ku bwinshiNi kimwe mu bitaramo byari bitegerejwe mu mpera z'uyu mwaka wa 2022Uyu yafataga agafoto k'urwibutsoIbihe byiza byo muri Kigali Night buri umwe yifuzaga kubisigarana mu buryo bw'amashusho n'amafoto y'abo bari basohokanye