Filimi z’urukozasoni zamwinjirije Miliyari 3Frw: Injira mu rubanza rwa Courtney wateye icyuma umukunzi we

Nk'uko abashinjacyaha babigaragarije urukiko rwa Leta ya Miami, ni uko binyuze ku rubuga rwa Onlyfans rucururizwaho ibyiganjemo filime z’urukozasoni, umunyamideli Courtney Clenney yinjije miliyari 1.8Frw mu mwaka wa 2021 naho mu 2020 yinjiza akabakaba miliyari 1Frw.

Kugeza mu kwezi kwa Kanama uyu mwaka wa 2021, uyu mukobwa yinjije miliyoni 327Frw nubwo amaze amezi atari macye atawe muri yombi.

Umushinjacyaha yagaragaje ko ubu butunzi bukwiye gutuma atemererwa kujya hanze habe na gato kuko yaburirwa irengero.

Yagaragaje kandi ko Clenney w’imyaka 26 yahise aha miliyari 1.18Frw byihuse se agamije guhisha ibimenyetso no kudindiza iperereza kuko umuntu uciriritse kuba yarekurwa by’agateganyo bitandukanye n'uwifite.

Hanashyizwe hanze amafoto y’uyu mukobwa wemeye ko yateye icyuma umukunzi we Obumseli w'imyaka 27, ari kwirengera kuko yahoraga amuhohotera, yuzuye amaraso. 

Polisi ya Miami nayo yatangaje ko uko biri kose hagendewe ku butumwa aba bombi bakomezaga bohererezanya, uyu mukobwa yahoraga ashyira mu byago urukundo rwe n’uyu musore.

Yemaine Briceno umwe mu ba Polisi yagize ati:”Nasanze Christian yarahoraga agerageza koroshya ibibazo ngo arebe ko bagumana tugendeye ku butumwa aba bombi bohererezanyaga uyu mukobwa yahoraga amubabaza ndetse akanamurakarira cyane kandi ari we uri mu makosa.”

Ibi byose bituma ibyo kuba Courtney avuga ko yateye icyuma umukunzi we yirinda, ari ikinyoma cyambaye ubusa kuko ari we wari ikibazo mu mubano wabo ndetse ibyo kuba yaburana ari hanze bikaba impfabusa.

Gusa haracyari abandi batangabuhamya n’ubusesenguzi bw’amashusho yafashwe ku munsi bashwanaga, Courtney agatera icyuma umukunzi we n’ibindi byabanje mu mubano wabo.Yarimo yinjiza akayabo ku mbuga zicururizwaho filimi z'urukozasoniYemeye ko yateye icyuma umukunzi weYagaragaje ko kwica umukunzi ari uko yahoraga amuhohoteraUbushinjacyaha bwagaragaje ko bufite impugenge zo kuba yabura ari hanze kuko atunze akayabo k'amafarangaNubwo amaze amezi afunze ariko aracyinjiza atari macyeyaIbyo yakoze bimuhamye yakatirwa imyaka itari micye Imwe mu mafoto yagaragajwe ubwo yateraga icyuma umukunzi

Courtney na Christian wari umukunzi we

Amwe mu mafoto y'ahabereye icyaha