Miss Akiwacu Colombe yasuye ababyeyi b'Intwaza yubakiye i Rwamagana

Imyaka itatu irashize, uyu mukobwa yubakiye inzu ababyeyi bane (4) b'Intwaza ifite agaciro ka Miliyoni 18 Frw.

Ni icyemezo yafashe nyuma y’uko mu 2014 akoreye umuganda mu karere ka Rwamagana aganira na bamwe mu Ntwaza bamubwira ibibazo bafite yiyemeza gukoresha izina afite kugira ngo abahindurire ubuzima.

Ubwo yatahaga ku mugaraharo aya mazu ari kumwe n'uwari Guverineri w’Intara y’Iburasirazuba Mufulukye Fred, abayobozi b’Akarere ka Rwamagana n'izindi nzego mu Ntara y’Iburasirazuba yagize ati “Ati "Nkimara kugira iki gitekerezo natangiye gushakisha abafatanyabikorwa ariko nagize amahirwe, nkorana n’Intara, n'Akarere, bambera Abayobozi beza bumva abaturage. Bambaye hafi maze kubabwira umushinga, bawumva vuba, bampa ikibanza cyo kubakamo, nkomerezaho.”

Mu bihe bitandukanye uyu mukobwa yagiye aza mu Rwanda mu bikorwa bitandukanye agasura aba babyeyi mu rwego rwo gukurikirana imibereho yabo.

Kuri uyu wa Gatatu tariki 7 Nzeri 2022, yabasuye. Akiwacu Colombe yabwiye InyaRwanda ko yabageneye ubufasha burimo ibitenge n’ibindi mu rwego rwo kubafasha gukomeza icyizere cy’ubuzima, baraganira birambuye n’ibindi.

Ku mugoroba wo kuri uyu wa Gatatu, Akiwacu yahuye kandi na bagenzi be begukanye ikamba rya Miss Rwanda. Byari mu mukino wahuje Patriots na Rwanda Energy Group (REG), aho Patriots yatsinze REG ku manota 75-70.

Akiwacu yari kumwe Meghan Nimwiza wabaye Miss Rwanda 2019, Mutesi Jolly Miss Rwanda 2016, Nishimwe Naomie Miss Rwanda 2020 na Kayibanda Mutesi Aurore wabaye Miss Rwanda 2012.

Akiwacu yahaye ibitenge Intwaza, bamushimira kubatuza aheza

Mu 2019, ni bwo Akiwacu Colombe yatashye inzu yubakiye aba baturage 

Akiwacu yubatse inzu ebyiri azituzamo ababyeyi bane

Akiwacu Colombe ari kumwe na Miss Mutesi Aurore Kayibanda

Mutesi Aurore Kayibanda ari kumwe na Miss Mutesi Jolly    

Miss Mutesi Jolly na Miss Nishimwe Naomie 

Miss Nishimwe Naomie ari kumwe n'umukunzi we Michael Tesfay bitabiriye umukino wa Patriots  

Uhereye ibumoso: Miss Nimwiza Meghan, Miss Akiwacu Colombe, Miss Mutesi Jolly, Miss Mutesi Aurore Kayibanda na Miss Nishimwe Naomie