Ahabanza Imikino

Romelu LUKAKU yigaragaje mu mukino Manchester United yanyagiyemo West Ham United - AMAFOTO

Yanditswe na: Mihigo Saddam
Taliki:14/08/2017 8:49 0

Ikipe ya Manchester United yanyagiye West Ham United ibitego 4-0 mu mukino w’umunsi wa mbere wa shampiyona y’Abongereza. Ibitego bibiri bikaba byatsinzwe na Romelu Lukaku baherutse kugura muri Everton.

Romelu Lukaku yafunguye amazamu ku munota wa 33’ mbere yuko yongeramo ikindi ku munota wa 53’. Antony Martial winjiye mu kibuga asimbura Marcus Rashford yatsinze igitego ku munota wa 88’. Paul Pogba yatsinze agashinguracumu ku munota wa 90’ w’umukino ku mupira yahawe na Martial.

Uyu musaruro utumye Manchester United iza mu makipe umunani yabonye amanota atatu ku munsi wa mbere dore ko inayoboye urutonde nyuma yo kuba ariyo kipe yinjije ibitego byinshi (4) naho West Ham United ikaba iri mu mubare w'amakipe umunani yatsinzwe imikino bakinnye kuko iri no ku mwanya wa nyuma n'umwenda w'ibitego bine (4).

Dore abakinnyi bakoreshejwe (Abasimbura):

Manchester United: De Gea, Valencia, Blind, Jones, Bailly, Matic, Pogba, Mkhitaryan (Lingard 88), Mata (Fellaini 76), Rashford (Martial 80), Lukaku.

West Ham United: Hart; Zabaleta, Reid, Ogbonna, Masuaku (Cresswell 81); Noble (Rice 61), Obiang; Fernandes (Sakho 60), Arnautovic, Ayew; Hernandez.

Lukaku raises his arms aloft in front of the Old Trafford stands as Paul Pogba runs to celebrate with his new team-mate