Umukino uhuza Kiyovu Sports na Gicumbi FC ugiye kwandika amateka yo kuba umukino wa shampiyona y'umupira w'amaguru uca imbonankubone bwa mbere kuri televiziyo mpuzamahanga.
Kiyovu Sports irakirira Gicumbi FC ku Mumena, ku isaha ya saa cyenda n'iminota 30 zo kuri uyu wa Gatatu tariki 2 Werurwe 2016, mu mukino wa shampiyona wo ku munsi wa 14 wa shampiyona y'igihugu y'umupira w'amaguru mu Rwanda.
Nk'uko Ishyirahamwe ry'Umupira w'Amaguru mu Rwanda FERWAFA ryabitangaje ribicishije ku rubuga rwaryo rwa Twitter, umukino uhuza aya makipe yombi uraca ako kanya (live) kuri Televiziyo ya Azam iherutse kugirana amasezerano na Ferwafa ngo itere inkunga shampiyona binyuze mu gutangaza imikino yayo.
Muri iri tangazo rirangwa n'ibirango by'amakipe yombi, FERWAFA yanditse iti " Azam TV iratangaza ako kanya (live) umukino wa shampiyona uhuza Kiyovu Sports na Gicumbi FC kuri uyu munsi [ku wa gatatu, tariki ya 2 Gashyantare 2016] i saa cyenda n'iminota 30 ku kibuga cya Mumena.''
Kiyovu Sports igiye kwakirira ku Mumena umukino wa shampiyona ugararagara kuri Televiziyo mpuzamahanga bwa mbere.
Azam itera inkunga shampiyona y'u Rwanda guhera muri uyu mwaka w'imikino
Uretse uyu mukino, kuri uyu wa gatatu hateganyijwe umukino wa Bugesera FC yakirira Mukura Victory Sports ikomeje kuyobora shampiyona, ndetse na Sunrise ikinira na Espoir i Rusizi.
Eng
RSS 
TANGA IGITECYEREZO