Itorero Urukerereza ryasusurukije abatuye i Rwamagana mu gitaramo ‘Imihigo y’intore’-AMAFOTO

Iki gitaramo cyabaye kuri uyu wa Gatanu tariki 16 Kamena 2017, kibera mu cyumba cy’imyidagaduro mu kigo cy'amashuri cya St Aloys guhera saa kumi n'ebyiri z’umugoroba. Nkuko bisanzwe bimenyerewe ndetse nkuko byagenze mu gitaramo cyakibanjirije cyabereye i Huye Kwinjira biba ari ubuntu dore ko ari igitaramo kiba gitumiwemo abantu bose bakunda imbyino n’indirimbo gakondo. Aha bakaba baba bafatanyije n'abanyeshuri bo mu ishuri rya muzika ku Nyundo.

Nk'uko byari byaragaragaye mu gitaramo nk'iki cyabereye mu ntara y’Amajyepfo itorero ‘Urukerereza’ i Rwamagana ryigishije urubyiruko uko cyera intore zahigaga, ibi ngo bishimangira intambwe igihugu cyateye yo gusubira ku isoko tukamenya ibyaranze umuco wacu ndetse tukawuvomamo mu gushaka ibisubizo by’ibibazo ku buzima bw’igihugu.

Ibi bitaramo byiswe ‘Imihigo y’intore’ biteganyijwe ko bizazenguruka igihugu cyose ku ikubitiro bakaba barahereye mu ntara y’Amajyepfo muri Werurwe 2017, aho bavuye bajya i Burasirazuba mu karere ka Rwamagana mu kigo cy'amashuri cya St Aloys. Ubu hakaba hatahiwe kujya no mu zindi ntara zitarageramo iki gitaramo.

REBA AMAFOTO:

Abafana bari buzuye kugera naho bicaye hasiUmuhango wo guhiga bigisha abitabiriye igitaramo uko bahigaBatereka intango y'imihigoIgitaramo kiranzitse ababyinnyi bari gushimisha abakunzi bumuzikiIntore zari zakamejeje zigamije gususurutsa abantuMariya Yohani na Muyango ndetse n'abana biga muzika ku Nyundo bashimisha abafana Abarimu n'abayobozi bishimiye iki gitaramoAbanyeshuri  biga ku Nyundo bacurangiye abafanaYitabiriye igitaramo afite umuduri nubwo bitamworoheye ko awucurangaAbanyeshuri bo ku Nyundo nibo bashoje iki gitaramo