Nyuma y’uko kuri uyu wa Gatandatu tariki ya 10/01/2015 hatangijwe igikorwa cyo gushaka abakobwa bazahagararira intara zose z’igihugu n’umujyi wa Kigali mu marushanwa ya Miss Rwanda 2015, igikorwa cyahereye i Musanze hatoranywa abakobwa 5 bazahagararira intara y’Amajyaruguru.
kuri iki cyumweru iki gikorwa cyakomereje mu Ntara y’Uburengerazuba aho abakobwa bifuza guhagararira iyi ntara bahuriye kuri Hotel Gorilla iherereye mu mujyi wa Rubavu maze hatoranywamo 5 bahize abandi bazahagararira iyi ntara mu marushanwa y’ibanze.
Abakobwa bose babanje gupimwa uburebure n'ibiro bafite
Nk’uko abari gutegura iki gikorwa babidutangarije, hiyandikishije abakobwa 16 bifuzaga guhagararira iyi ntara, ariko abakobwa 10 nibo babashije kugera ahabereye iki gikorwa maze nyuma yo gutanga imyirondoro yose no gupimwa uburebure n’ibiro byabo 8 aba aribo babasha kuzuza ibisabwa hagendewe ku bipimo fatizo bigenderwaho muri Miss Rwanda 2015, ari nabo bageze imbere y’akanama nkemurampaka maze nako gahitamo batanu.
Abakobwa 5 batoranyijwe nyuma yo gutambuka imbere y’akanama nkemurampaka ni uwitwa Umutoniwase Flora ufite uburebure bwa 1,73m n’ibiro 54,2kg, Mpogazi Vanessa ufite 1,79m na 57,8kg, Ihozo Kalisa Sabrina ufite 1,75m na 51,7kg, Gasana Edna Darlene ufite 1,73m na 59,9kg na Umutoni Colombe 1,70m n’ibiro 65kg
Aba nibo bakobwa batanu bagiriwe icyizere cyo kuzahagararira intara y'Uburengerazuba
Amafoto y'abakobwa babashije gutambuka. Aha hari mbere y'uko banyura imbere y'akanama nkemurampaka
Mpogazi Vanessa, ni ku nshuro ye ya kabiri ahagararira iyi ntara dore ko n'umwaka ushize yari yitabiriye igikorwa cya Miss Rwanda
Mutoniwase Flora
Gasana Edna Darlene
Ihozo Kalisa Sabrina
Umutoniwase Colombe
Lauren Makuza umukozi wo muri MINISPOC ushinzwe umuco niwe wagaragarije itangazamakuru abakobwa bagiriwe icyizere n'akanama nkemurampaka
Murangwa Cindy n'ubwo atagize amahirwe yo guhagararira iyi ntara, yashyizwe kuri probation ku buryo ashobora guhabwa amahirwe ya nyuma bitewe n'uburyo mu zindi ntara bizaba byifashe
Amb.Joseph Habineza, minisitiri w'umuco na siporo nawe yitabiriye iki gikorwa
Aha minisitiri yashimiraga abakobwa bitabiriye iki gikorwa , anabibutsa uburemere bw'iki gikorwa nicyo kivuze ku muco nyarwanda
Ihozo Kalisa Sabrina, uyu akaba mushiki w'umuhanzi Daddy Cassanova yishimira kuba yatoranyijwe muri 5 ba mbere
Gasana Edna Darlene nawe yagiriwe icyizere
Umutoniwase Flora na Mutoni Colombe
Mpogazi Vanessa ni ku nshuro ye ya kabiri yitabira amarushanwa ya miss Rwanda
Tubibutse ko weekend itaha ni ukuvuga tariki ya 17 na 18 Mutarama 2014, iki gikorwa kizakomereza mu ntara y'Amajyepho n'Uburasirazuba.
Nizeyimana Selemani
Photo/Jean Chris Kitoko
Eng
RSS 
TANGA IGITECYEREZO