Perezida wa Leta Zunze Ubumwe za Amerika Barack Obama yahawe gasopo n’umusore mu mujyi wa Chicago ubwo yari mu cyumba cy’itora kuri uyu wa mbere, uyu musore witwa Mike Cooper akaba yaramwihanangirije kumukorera ku mukunzi ariko uyu muyobozi nawe ntibyagarukiye aho kuko yahise amusoma ku itama.
Nyuma y’uko uyu mukunzi wa Mike Cooper yari yinjiye mu cyumba cy’itora ari kumwe na Perezida Barack Obama, uyu musore yatinyutse kubwira Perezida Obama ko atagomba kumukorera ku mukunzi maze undi nawe ageze mu cyumba cy’itora abiganiriza uyu mukobwa ndetse anamubaza amazina y’umukunzi we, mu gihe umukobwa yasekaga Barack Obama we akaba yarashakaga uko yatera uwo musore gufuha biruseho.
Perezida Barack Obama yahawe gasopo n'umusore ku mukunzi we
Nk’uko bigaragara mu mashusho (video) yashyizwe ahagaragara na CNN, Perezida Barack Obama yamaze kubwira uyu mukobwa ibyo akorewe n’umusore bakundana maze umukobwa asabira umukunzi we imbabazi, Barack Obama ariko nawe akaba yarashatse gukomeza kubigira urwenya anashaka kwihimura kuri uwo musore wari wamuhaye gasopo, niko gusaba umukobwa ko yamusoma ku itama ngo arusheho gutera uwo musore gufuha.
Obama nawe yashatse gutera uyu musore kurushaho gufuha ahita amusoma ku itama
Ibi bikomeje kuvugwaho byinshi n’abantu batandukanye ku isi, bamwe bagashima uyu muyobozi kuba agaragara nk’uwicisha bugufi kandi akemera kubaho bisanzwe nk’abandi baturage bose, hakaba ariko n’abandi bavuga ko yaba yaritesheje agaciro nk’umuyobozi ukomeye ku rwego rw’isi akemera gushyamirana n’umuturage kubera umukobwa.
REBA HANO VIDEO Y'UKO BYARI BYIFASHE
Manirakiza Théogène
Eng
RSS 
TANGA IGITECYEREZO