Shakira niwe uzaririmba ku mukino wa nyuma w'igikombe cy'isi

Nk’uko bigaragara ku rubuga rw’ishyirahamwe ry’umupira w’amaguru ku isi FIFA,umuhanzikazi akaba n’umugore w’umukinnyi Gérard Piqué niwe uzaririmba mu birori byo gusoza irushanwa ry’igikombe cy’isi rimaze ukwezi ribera mu gihugu cya Brazil aho uyu muhango uzabera kuri stade Maracana de Rio ari naho hazabera umukino wa nyuma uzahuza ikipe y’igihugu y’ubudage ndetse na Argentine.

Shakira mu ndirimbo'La la la"

Shakira atangaza ko afitanye isano ya hafi n’umupra w’amaguru kubera umugabo we ndetse akaba amaze kuwukunda dore ko amaze kumenyera gukora indirimbo zerekeranye n’igikombe cy’isi ndetse n’umupira w’amaguru muri rusange.Akomeza avuga ko ashimira cyane abamugiriye icyizere cyo kuririmba mu birori bikomeye nka biriya.Shakira akaba azaririmba indirimbo ye yahimbiye igikombe cy’isi yitwa “la la la”.yakunzwe cyane muri iki gihe cy’igikombe cy’isi.

Muri ibi birori kandi hazagaragaramo abandi bahanzi nka Carlinhos Brown wo muri Brazil,Santana,Wyclef Jean,Alexandre Pires,n’abandi.Mbere y’umukino kandi igikombe kizazanwa n’umunyamideli wigeze kuba umugore wa Leonardo Dicaprio ari kumwe n’umukinnyi Carlos Puyol.

Robert N Musafiri