Muri iki gitondo cyo kuri uyu wa gatandatu, ahitwa i Rukore mu murenge wa Tumba mu karere ka Rulindo ku muhanda uva ku kigo cya Tumba College of Technology habereye impanuka ikomeye y’imodoka yo mu bwoko bwa Toyota Hiace yari twaye abantu bari batashye ubukwe..
Amakuru dukesha abari aho iyi mpanuka yabereye avuga ko avuga ko babonye iyi modoka imanuka ivuduka ibura feri kuko n'ubusanzwe uyu muhanda umanuka cyane.
Batanu bahise bapfa naho icumi barakomereka bikomeye
Mu kiganiro umuvugizi wa Polisi y'u Rwanda CSP Celestin Twahirwa yagiranye na Inyarwanda.com yavuze ko iyi mpanuka yahitanye abantu batanu ndetse n'abandi icumi bakaba bakomeretse harimo n'abakomeretse bikomeye.
Abaturage bagerageje guhita batabara mbere gato y'uko polisi ihagera
CSP Twahirwa yakomeje avuga ko iyi mpanuka yatewe n'uko iyi modoka yabuze feri ubwo yamanukaga iva ahitwa i Buyoga yerekeza i Kigali ari naho abari bayirimo bari batashye ubukwe.
Imodoka yabuze feri kandi iri ahantu hamanuka cyane
Mu butumwa yatanze,CSP Twahirwa yasabye abashoferi bose cyane cyane abatwara abagenzi kwitwararika bakubahiriza amategeko y'umuhanda dore ko baba batwaye ubuzima bw'abantu benshi.
Robert Musafiri
Eng
RSS 
TANGA IGITECYEREZO