Tuff Gang ni itsinda rigizwe n’abasore bane, Jay Polly, Bull Dogg, Green P na Fireman. Aba basore muri iyi minsi bamaze kwiyunga nyuma y’imyaka ibiri basa n'abatari kumwe muri muzika. Kuri ubu Tuff Gangz bari kwitegura gushyira hanze indirimbo nshya bakoranye na The Ben bise ‘That Nigga’.
Iyi ndirimbo nshya bagiye gushyira hanze, niyo Fireman yashingiyeho yemeza ko The Ben ari umu Tuff Gang. Ibi Fireman yabitangarije ku Isango Star mu kiganiro Isango na muzika ubwo yari agiye kumurika indirimbo ye nshya yise ‘Impinduramatwara’ aha akaba yabajijwe umuntu waba yaragize uruhare mu gushaka The Ben ngo bakorane indirimbo cyangwa niba The Ben ariwe wafashe iya mbere akabasaba ko bakorana. Fireman yari abajijwe niba ataba ari Green P wabigizemo uruhare cyane ko ari umuvandimwe we.
Itsinda rya Tuff Gang kuri ubu ryarongeye ririyunga
Asubiza iki kibazo Fireman yagize ati”The Ben ni umu Tuff Gang kuva na cyera, kuva yaza twabaga turi kumwe rimwe turiyongoza tujya muri studio dukora akantu birakunda.” Aha Fireman yasobanuraga uburyo The Ben nawe yiyumva muri Tuff Gang cyane ko atariyo ndirimbo ya mbere uyu muririmbyi usigaye yibera muri Amerika akoranye n’aba baraperi bakomeye hano mu Rwanda.
Eng
RSS 
TANGA IGITECYEREZO