GISA yirukanywe muri All Star Music Crew, naho Davis abinyujije muri ‘Biryogo’ashimangira ingufu n’ubushobozi bwayo - VIDEO

Kuri ubu amakuru mashya aturuka muri iri tsinda aremeza ko bamaze kwirukana umuhanzi Gisa cy’Inganzo ku bw’imyitwarire ye yabananije cyane bagasanga badashobora gukomezanya nawe.Gusa ibikorwa byo birakomeje, aho nyuma yo gushyira hanze amashusho y’indirimbo ‘Si intambara’ ya Aime Blueston bamaze no gushyira ahagaragara amashusho y’indirimbo ‘Biryogo’ aje ari ku rwego rushimishije.

Gisa yirukanwe burundu mu muryango wa All Stars Music Crew

Ku ruhande rwa Davis werekeje muri All Star Music Crew avuye muri Decent entertainement aho yari yatangiriye, yadutangarije ko yishimiye ubushake bwo guteza imbere impano ye bugaragara ku bakuriye All Star Music Crew, by’umwihariko ashima cyane urwego amashusho y’indirimbo ye isohotse iriho aho yemeza ko igomba kuba video y’umwaka.

Reba amashusho y'indirimbo 'Biryogo'

Davis ati “ Video yanjye ndayishimiye cyane, ni video iri ku rwego mpuzamahanga, televiziyo yose yo muri Afrika mpamya ko yacaho cyangwa handi hose yanyura nziko yaba imeze neza cyane.Indirimbo nayise Biryogo kuko ni agace nakuriyemo, ikindi kandi niho hari industry y’umuziki cyane, kuba nayikorera indirimbo nicyo kintu numvaga nakwitura Biryogo.”

Davis yagaragaye bwa mbere hagati mu mwaka wa 2014 ubwo yashyiraga hanze amashusho y'indirimbo 'My Sweety'

All Star Music Crew iyobowe n'aba bagabo batatu:Nizzo, Piano na Gilbert

Nk’uko producer Gilbert yabidutangarije, muri All Star Music Crew ntaguhagarara,nyuma y’amashusho ya ‘Biryogo’ bamaze gukorera Davis, bagiye guhita bakurikizaho indi ndirimbo nshya ya Aime Blueston igomba gusohoka mu gihe cya vuba, icyo barangamiyeho akaba ari ugakabya inzozi zabo zo kugeza muzika nyarwanda ku ruhando rwa muzika mpuzamahanga.

Reba ikiganiro inyarwanda yagiranye na Nizzo, Piano na Gilbert ubwo twasuraga bwa mbere 'ALL STARS MUSIC CREW' aho batuye i Nyamirambo

Amashusho y'indirimbo 'Si intambara' ya Aime Blueston ni kimwe mu bikorwa All Star Music Crew batangiriyeho mu ntangiriro z'uyu mwaka wa 2015

Nizeyimana Selemani