Hatahuwe umukino wabaye intandaro y’ikwirakwira rya Coronavirus mu Burayi

Uyu muyobozi yatangaje ko uyu mukino wa 1/8 muri UEFA Champions League, Atalanta yakiriyemo Valence kuri San Siro tariki ya 19 Gashyantare, warebwe n’abafana ibihumbi 44 mu Mujyi wa Milan, ariwo wakwirakwirijwemo icyorezo cya Coronavirus, umubare mwinshi uyisigarana mu Butaliyani undi mubare uyijyana muri Espagne.

Uyu mukino warangiye Atlanta inyagiye Valence ibitego 4-1, uyu muyobozi asanga ibyishimo by’abafana bari bavuye San Siro byaratumye umubare wabanduye iki gihe ari munini cyane.

Ikinyamakuru Marca cyandikirwa muri Espagne cyatangaje ko Giorgio abinyujije ku rubuga rwa Facebook, yavuze ko Uwo mukino ari wo ntandaro y’icyorezo cya Coronavirus mu Butaliyani.

Yagize ati “Icyo gihe ntitwari tuzi ibyabaga.Niba virusi yari imaze gukwirakwira, abafana ibihumbi 40 bagiye i San Siro baranduye. Nta muntu n’umwe wari uzi ko virusi yari imaze gukwirakwira muri twe”.

“Benshi barebye umukino begeranye, muri iryo joro habaye gukoranaho hagati yabafana".

Kuri ubu ikipe yose ya Atalanta iri mu kato nyuma y’uko umunyezamu Marco Sportiello yanduye coronavirus.

Ni mu gihe mu cyumweru gishize, Valencia yavuze ko abarenga kimwe cya gatatu cy’abakinnyi bayo ndetse n’abatoza, banduye Coronavirus kuva bavuye mu Butaliyani.

Ibikorwa byose by’umupira w’amaguru w’ababigize umwuga mu Burayi byarahagaritswe kubera Coronavirus.

U Butaliyani ni cyo gihugu kimaze kugira abantu benshi bahitanywe n’iki cyorezo cyatangiriye mu Bushinwa.

Abantu barenga 6820 bamaze gupfa mu Butaliyani bazize Coronavirus mu gihe 2991 ari bo bamaze gupfa muri Espagne.

Umukino wa Atlanta na Valence niwo wabaye intandaro y'ikwirakwira rya Coronaviru i Burayi

Abakinnyi ba Atlanta bishimira intsinzi babonye kuri uyu mukino

Umukino wo kwishyura wabaye nta mufana numwe uri ku kibuga