Mukansanga Salima mu basifuzi bazasifura igikombe cy'Afurika cy'abatarengeje imyaka 20 ‎

Guhera tariki ya 22 z'uku kwezi kuzageza tariki ya 18 z'ukwezi gutaha kwa 5 nibwo mu Misiri hateganyijwe imikino y'igikombe cy'Afurika cy'abatarengeje imyaka 20 nyuma yuko Cote D'Ivoire yagombaga kwakira iri rushanwa yikuyemo.

‎‎Mu basifuzi 56 bazasifura iki gikombe cy'Afurika harimo Umunyarwanda umw we akaba ari Mukansanga Salima aho we azaba ari ku ikoranabuhanga rifasha abasifuzi bu mu kubuga hagati rizwi nka Video Assistant Referee (VAR).

‎‎Uyu musifuzi yasezeye ku gusifura mu kibuga hagati kuri ubu asifura kuri VAR gusa.

‎‎Ibi bije nyuma y'uko hari abandi basifuzi b'Abanyarwanda bari gusifura igikombe cy'abatarengeje imyaka 17 kiri kubera muri Morocco kuva tariki ya 30 z'ukwezi gushize kuzageza tariki 19.

‎‎Abo ni Rulisa Patience na Umutoni Aline basifura mu kibuga hagati na Umutesi Alice na Ishimwe Didier basifura ku ruhande mu gihe Abdul Twagirumukiza we ari kuri VAR.

‎‎Amakipe azakina igikombe cy'Afurika cy'abatarengeje imyaka 20 ni Central Afurika,Dr Congo,Ghana na Tanzania z'iri mu itsinda A, Nigeria, Misiri, Afurika y'Epfo na Morocco z'iri mu itsinda B ndetse na Senegal,Zambia,Kenya na Sierra Leone z'iri mu itsinda C.

‎‎Amakipe azaba ane ya mbere azahita abona itike yo guhagararira Afurika mu gikombe cy'Isi cy'abatarengeje imyaka 20 cya 2025 kizabera muri Chile.

‎‎Ikipe iheruka kwegukana igikombe cy'Afurika cy'abatarengeje imyaka 20 cyo mu mwaka ushize ni Senegal aho yatsinze Gambia ku mukino wa nyuma.

Mukansanga Salima azasifura imikino y'igikombe cy'Afurika cy'abatarengeje imyaka 20 ari kuri VAR