RFL
Kigali

Beach Volleyball: U Rwanda ruratangira urugamba rwo gushaka itike y’imikino Olympic ruhanganiyemo na Misiri

Yanditswe na: SAFARI Garcon
Taliki:2/01/2020 13:00
0

Guhera kuri uyu wa Gatanu tariki 03 Mutarama 2020, mu gihugu cya Eritrea haratangira gukinwa imikino yo gushaka itike y’imikino Olympic muri Beach Volleyball mu bagabo, aho u Rwanda ruzaba ruhanganye n’ibihugu bitatu byo muri Zone 6, birimo na Misiri.



Ni imikino igomba kumara iminsi ine, aho u Rwanda rufite akazi gakomeye ko gukora ibishoboka byose rugahangara Misiri ikunda kubagora cyane muri uyu mukino wa Volleyball ikinirwa ku mucanga.

Ibihugu bine bibarizwa muri zone 6, birimo u Rwanda, Misiri, Eritrea n’uburundi aribyo bigiye guhurira Asmara mu mikino yo gushaka itike y’imikino Olympic izabera mu mujyi wa Tokyo mu gihugu cy’ubuyapani muri uyu mwaka wa 2020.

Muri iyi mikino ikipe y’igihugu y’u Rwanda izaba igizwe n’amakipe abiri, y’abakinnyi bazaba bakinana ari babiri, hari ikipe ya  Ntagengwa Olivier na Akumuntu Kavalo Patrick ndetse n’indi kipe ya Habanzintwali Fils na Gatsinzi Venuste, bakazaba bari kumwe n’umutoza Mana Jean Paul.



Abakinnyi bazahagararira u Rwanda muri Eritrea





TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND