FIBA U16: Misiri yatwaye igikombe, u Rwanda rusoza ku mwanya wa 5-AMAFOTO

Muri uyu mukino, Maomen Abouzeid wa Misiri yasoje afite amanota 19 ndetse inakijije inkangara inshuro eshanu mu gihe Ahmed Rehan yatsinze 13 imbere ya Mohammed Shahin watsinze amanota 12.

Misiri bishimira igikombe batwaye batsinze Mali ku mukino wa nyuma 

Ku rundi ruhande, Souleyman Dembele, Haroune Toure na Brehima Traore ba Mali biteranyije batsinda amanota 36 muri uyu mukino.

U Rwanda rwafashe umwanya wa gatanu nyuma yo gutsinda Tunisia amanota 78-53 bityo Tunisia ifata umwanya wa gatandatu (6).

Mu mukino wo guhatanira umwanya wa gatatu, Nigeria yawufashe itsinze Guinea amanota 54-53. Mu gihe Mali yafashe umwanya wa kabiri nyuma yo gutsindwa na Misiri ku mukino wa nyuma.

Mu gutanga ibihembo ku bakinnyi n’amakipe yitwaye neza muri iri rushanwa, Abouzeid Moamen (Egypt) yahembwe nk’umukinnyi w’irushanwa ryose muri rusange (MVP).

Misiri bateruye igikombe 

Dore uko ibihembo byatanzwe:

1.Uwatsinze amanota menshi: Moulaire Assemian (Ivory Coast): 104

2.Uwakijije inkangara kenshi: Chinyelu Rueben (Nigeria): 112

3.Gutsinda amanota 3 imbumbe: Abouzeid Moamen (Egypt): Inshuro 23

4.Igihugu cyagize ubworoherane: Cape Verde

5.Umukinnyi w’irushanwa: Abouzeid Moamen (Egypt)

6.Ikipe y’irushanwa: Diallo Ibrahim (Guinea), Isak Farouk (Nigeria), Kanoute Abdramane (Mali), Sangare Youssouf(Mali) na Ahmed Abdullah (Egypt).

Ikipe y'irushanwa irimo abanyamisiri babiri na Mali babiri n'umwe uva muri Nigeria 

Abouzeid Moamen (Egypt) umukinnyi w'irushanwa 

Dore uko ibihugu byasoje irushanwa:

1- Egypt

2- Mali

3- Nigeria

4- Guinea

5- Rwanda

6- Tunisia

7- Angola

8- Cape Verde

9- Cote D’ivoire

10- Algeria

Ikipe y'igihugu cya Misiri y'abatarenge imyaka 16

Ikipe y'igihugu ya Guinea y'abatarengeje imyaka 16

Ikipe y'igihugu ya Nigeria y'abatarengeje imyaka 16

Ikipe y'igihugu ya Mali y'abatarengeje imyaka 16

Ikipe y'igihugu ya Tunisia y'abatarengeje imyaka 16

Ikipe y'igihugu ya Cape Verde y'abatarengeje imyaka 16