Kwibuka 23: Miss Kalimpinya n’abagize AERG Iwacu basuye incike n'urwibutso rwa Nyamata

Kuri uyu wa mbere tariki ya 10 Mata 2017 nibwo Kalimpinya Queen ari kumwe n’abanyeshuri bagize umuryango wa AERG Iwacu yo muri Lycee de Kigali berekeje i Nyamata basura urwibutso rwa Nyamata ahashyinguwe imibiri irenga ibihumbi 40.000 y’abazize jenoside yakorewe abatutsi mu 1994. Bahagera bakaba barakiriwe n’umukozi ubishinzwe abasobanurira amwe mu mateka yaranze Nyamata hagati y’1992 n’1994.

Aba banyeshuri bashyize indabo ku rwibutso

Muberuka Leon, umukozi wo ku rwibutso niwe wabafashije gusobanukirwa n'amateka yaranze Nyamata mu gihe cya Jenoside

Uru rwibutso rwa Jenoside yakorewe abatutsi rwa Nyamata ruri kuvugururwa

Mukabagabo Carine ni umwe mubaba bari gukora imirimo inyuranye yo gusukura ku rwibutso

Nyuma yo gusura uru rwibutso aba banyeshuri bakaba banasuye umukecuru w’incike utuye i Nyamata, Akagali ka Kayumba, umudugudu wa Kayenzi maze abaha ubuhamya bw’uko yarokotse Jenoside.

Ibi ni bimwe mubyo bagiye bitwaje

Mukankuranga Goreti wasuwe n'aba banyeshuri

Yabaganirije ukuntu mu gihe cya jenoside Imana yagiye imwimana umuryango we wose ugashira akaba ariwe wenyine urokoka

Umuyobozi w'akagali ka Kayumba mu ijambo rye akaba yashimiye aba bana ku gikorwa cy'urukundo bakoze cyo kwereka uyu mubyeyi ko atari wenyine

Mbere yo gutaha uyu mubyeyi yasenze asabira umugisha aba banyeshuli

Bafatana agafoto k'urwibutso nk'umuryango mushyashya uyu mubyeyi yungutse

Kalimpinya Queen akaba avuga ko urubyiruko rwagombye kwitabira gusura inzibutso kugirango bamenye amateka yaranze u Rwanda

Amafoto:Lewis Ihorindeba