Basketball U-18: Reba amafoto y’ikipe y’igihugu ku munsi wa gatandatu w’imyitozo

Kugeza magingo aya ibihugu birimo; Mali, Misiri, Tunisia na Angola byamaze kwemererwa kuzitabira iyi mikino izakirwa n’u Rwanda mu gihe ibihugu birindwi bisigaye bizabona itike yo kuza mu Rwanda biciye mu marushanwa ya Zone bazakuramo amatike aberekeza i Kigali.

Ku mugoroba wo kuri uyu wa mbere yari igeze ku mwitozo wa gatandatu kuko batangiye imyitozo yimbitse tariki 22 Kamena 2016.

Ikipe y’u Rwanda itozwa na Mutokambali Moise, ikora imyitozo buri mugoroba guhera saa kumi n’ebyiri (18h00’) muri sitade nto ya Remera nyuma bagataha mu kigo cya Green Hills Academy

Mutokambali avuga ko aba bana bazajya bakora imyitozo rimwe ku munsi kugira ngo ikipe nziza afite ayibyazemo ikipe itsinda ku buryo izitwara neza mu marushanwa ategerejwe kubera mu Rwanda.

Mu myitozo bakoze kuri uyu wa mbere wabonaga higanjemo gukora ibijyanye no gutsinda biturutse mu guhererekanya umupira ku muvuduko kuko umutoza yakoreshaga amakipe abiri aho imwe yari yayambitse imyenda y’icyatsi abandi bambaye ibara ry’umuhondo mu rwego rwo kumufasha kumenya imbaraga bafite mu kibuga.

U Rwanda ruheruka kwakira iyi mikino y’ingimbi mu mwaka wa 2010 ubwo rwacyuraga umwanya wa gatandatu gusa kuri ubu Mutokambali akaba yizeye ko uyu mwaka bizarushaho kuba byiza.

Dore abakinnyi 15 bari mu myitozo y’ikipe y’igihugu y’ingimbi (U18):

1. FURAHA CADEAU DE DIEU/ IPRC KIGALI TSS

2. NSHIZIRUNGU PATRICK/ LYCEE DE KICUKIRO APADE

3. NTIHINDA PAUL CHRIS/ KIGALI CHRISTIAN SCHOOL

 4. NKUSI ARNAUD/ SAINT UGNATIUS

5. KAZENEZA EMILE GALOIS/ IFAK

6. TUMUSIME DERRICK/ LYCEE DE KIGALI

7. SHEMA OSBORN/ LYCEE DE KIGALI

8. NSHOBOZWABYOSENUMUKIZA J.J.WILSON/ APE RUGUNGA

 9. NIYONSHUTI SAMUEL/ APE RUGUNGA

10. SANO GASANA

 11. MUCYO GAVIN

12. KAYONGA CHESTER

13. BAGIRE DAVIS

13. BAGIRE DAVIS

14.KISA KYEUNE ENOCH

15. NTIHEMUKA JESSE

Umutoza Mutokambali Moise atanga amabwiriza ku bakinnyi

Bitozaga ibijyanye no gutsinda

Ikipe imwe yari yambaye imyenda y'ibara ry'icyatsi

Indi kipe yari yambitswe imyenda y'ibara ry'umuhondo

Mutokambali Moise aganira n'itangazamakuru nyuma y'imyitozo yo kuwa mbere